MAHAL MTK-a Ağdam rayon İcra Hakimiyyəti ilə birgə Bərdə rayonu ərazisində məskunlaşan mə

Əhalinin müxtəlif təbəqələrinin, o cümlədən imkanlı şəxslərin,sahibkarların koronavirusa qarşı mübarizə tədbirlərinə dəstək verməsi, sosial həmrəylik nümayiş etdirməsi görülən işlərin səmərəliliyinə bilavasitə təsir edən xüsusi əhəmiyyətli məsələlərdəndir. Respublikanın hər yerində olduğu kimi, Ağdam rayonunda da gündəlik davam edən xeyriyyə tədbirləri sosial məsuliyyəti, dövlət-vətəndaş birliyini əks etdirən əsas amillərin bariz göstəricisidir.
Belə ki, Ağdam rayon İcra Hakimiyyətinin təşəbbüsü və təşkilatçılığı ilə ahıl, kimsəsiz və daha çox ehtiyacı olan insanlara hər gün baş çəkilir, onlara ərzaq yardımı göstərilir. Bu tədbirlərdən biri də Ağdam rayon İcra Hakimiyyətinin təşəbbüsü ilə MAHAL MTK-nın rəhbəri, sahibkar Elvin Rəhimov tərəfindən həyata keçirilib, Bərdə rayonu ərazisində məskunlaşan Ağdam, Xocalı, Kəlbəcər, Laçın və Şuşadan olan məcburi köçkün ailələrinə ərzaq bağlamaları paylanılıb.