Ermənistanda rus hərbçilər qəzaya düşdü: Ölən və yaralılar var
Ermənistanın Gümrü şəhərində yerləşən 102 saylı Rusiya hərbi bazasının hərbçiləri qəzaya düşüb.
Xəbər verilir ki, hadisə Gümrü-İrəvan magistral yolunda baş verib.
Rusiya Cənub Hərbi Dairəsinin mətbuat xidməti məlumatı təsdiqləyib. Bildirilib ki, qəza nəticəsində bir hərbçi ölüb, 4 hərbi qulluqçu isə yaralanıb.
İlkin məlumata görə, rusiyalı hərbi qulluqçu şəxsi avtomobili ilə hərəkətdə olarkən idarəetməni itirib, nəticədə nəqliyyat vasitəsi xəndəyə aşıb.
Hərbçilərdən biri aldığı xəsarətdən hadisə yerində dünyasını dəyişib, digərləri xəstəxanaya yerləşdirilib.
