Bir sıra yerli xəbər saytları heç bir dəqiqləşdirmə aparmadan "Ağsunun yeni icra başçısı notariusu bələdiyyə sədri seçir -İDDİA" sərlövhəli tənqidi yazını öz xəbər lentlərində yayımlayıb.

Əvvəlcədən qeyd etmək istəyirik ki, bu xəbərlərin meydana çıxmasına səbəb qarşıdan gələn Bələdiyyə seckiləridir. Yazıda qeyd olunur ki, guya bəzi fırıldaqçılar rayon İH başcısı Vahid Tağıyevi inandırıb, aldatmağa müvəffəq olaraq Zaur Dəmirov adlı şəxs vasitəsilə yeni şəhər bələdiyyə sədri “sırımaq” istəyir. Yazı başdan-ayaga şantaj və böhtandan ibarətdir.

Əməkdaşımız məsələ ilə bağlı araşdırma aparılıb. Rayon İH-dən bildiriblər ki, yazıda göstərilən faktlar hec bir həqiqəti əks etdirmir, tam dedi-qodudan ibarətdir. " Bir sıra yerli xəbər saytları bu informasiyanı bizimlə heç bir dəqiqləşdirmə aparmada öz xəbər saytlarında yayımlayıb. Bu cür qeyri-dəqiq xəbəri yayan media quruluşlarının məsələyə qeyri-peşəkar yanaşaraq, KİV haqqında qanunun tələblərinə məhəl qoymayaraq qarşı tərəfin mövqeyini öyrənmədən birtərəfli qaydada xəbər yayınlamasından və nəticə etibarilə ictimaiyyətdə əsassız çaşqınlıq yaratmasından dərin təəssüf hissi keçiririk. Biz qeyri-dəqiq informasiyanı yayan xəbər saytlarından yanlışlarını düzəldərək təkzib vermələrini tələb edir, əks təqdirdə haqqımızı hüquqi müstəvidə qorumaq üçün bütün zəruri addımları atacağımızı bildirmək istəyirik" – deyə İH əməkdaşı vurğulayıb.

xebernur.com