https://kanal15tv.com/ tr[shortrss] https://kanal15tv.com/siyaset/15649-ceyhun-bayramov-mirzoyanla-gorusck.html https://kanal15tv.com/siyaset/15649-ceyhun-bayramov-mirzoyanla-gorusck.html Siyasət admin Wed, 09 Sep 2026 14:36:43 +0400 [/shortrss] [fullrss] https://kanal15tv.com/siyaset/15649-ceyhun-bayramov-mirzoyanla-gorusck.html https://kanal15tv.com/siyaset/15649-ceyhun-bayramov-mirzoyanla-gorusck.html ]]> admin Wed, 09 Sep 2026 14:36:43 +0400 [/fullrss] [yandexrss] https://kanal15tv.com/siyaset/15649-ceyhun-bayramov-mirzoyanla-gorusck.html Siyasət Wed, 09 Sep 2026 14:36:43 +0400 Ermənistanın Xarici İşlər Nazirliyi (XİN) ilə mütəmadi əlaqə var. Xarici işlər naziri Ararat Mirzoyanla yaxın zamanlarda daha bir görüşün olması istisna deyil.

Xəbər verilir ki, bunu Azərbaycanın xarici işlər naziri Ceyhun Bayramov Bakıda BMT-nin İqlim Dəyişmələri üzrə Çərçivə Konvensiyasının Dördüncü İqlim Həftəsinin (CW4) yüksəksəviyyəli açılış mərasimi çərçivəsində jurnalistlərə açıqlamasında deyib.

"Son görüşümüz Bişkekdə olub. Məhz orada da razılıq əldə etdik ki, ikitərəfli görüşlər davam etməlidir. Delimitisiya prosesi də mütəmadi şəkildə müzakirə mövzusudur. Həm Azərbaycan, həm də Ermənistan bu məsələni komisiya səviyyəsində aparır. Buna qədər ümumi delimitasiyanın şimaldan cənuba doğru aparılması razılaşdırılıb, dəqiqləşdirilib. Spesifik detallar vaxtı gəldikcə müzakirə edilir", - nazir qeyd edib. [/yandexrss][shortrss] https://kanal15tv.com/siyaset/15628-iki-olknin-partiya-sdrlri-gorus-bilr-srtlr.html https://kanal15tv.com/siyaset/15628-iki-olknin-partiya-sdrlri-gorus-bilr-srtlr.html Siyasət admin Tue, 08 Sep 2026 08:53:56 +0400 [/shortrss] [fullrss] https://kanal15tv.com/siyaset/15628-iki-olknin-partiya-sdrlri-gorus-bilr-srtlr.html https://kanal15tv.com/siyaset/15628-iki-olknin-partiya-sdrlri-gorus-bilr-srtlr.html ]]> admin Tue, 08 Sep 2026 08:53:56 +0400 [/fullrss] [yandexrss] https://kanal15tv.com/siyaset/15628-iki-olknin-partiya-sdrlri-gorus-bilr-srtlr.html Siyasət Tue, 08 Sep 2026 08:53:56 +0400 Azərbaycan və Ermənistan arasında sülh prosesində dövlət rəsmiləri səviyyəsində aparılan danışıqlarla yanaşı, siyasi partiyalar və təşkilatlar arasında mümkün təmaslar da diqqət mərkəzinə gəlir. İndiyədək iki ölkənin liderləri, xarici işlər nazirləri və digər rəsmi şəxsləri arasında müxtəlif formatlarda görüşlər keçirilsə də, siyasi təşkilatlar səviyyəsində dialoqun genişləndirilməsinin sülh prosesinə hansı töhfəni verə biləcəyi sual doğurur.

Mövzu ilə bağlı Milli Məclisin deputatı, Milli Cəbhə Partiyasının sədri Razi Nurullayev açıqlama verib:

"Azərbaycan və Ermənistan arasında sülh prosesinin əsas gündəliyini dövlət rəhbərləri müəyyən edir və danışıqlar da məhz onların rəhbərliyi ilə aparılır. Bu baxımdan, siyasi partiyalar arasında mümkün dialoq məsələsinə də ilk növbədə dövlət rəhbərliyinin mövqeyi və qərarı əsasında yanaşılmalıdır.



Əgər rəhbərlik hesab etsə ki, sülhün möhkəmləndirilməsi, cəmiyyətlər arasında etimadın artırılması və qarşılıqlı anlaşmanın formalaşdırılması üçün siyasi partiyaların da bu prosesə töhfə verməsi məqsədəuyğundur, əlbəttə, biz belə bir təşəbbüsə qoşulmağı müzakirə edə bilərik. Çünki sülh yalnız dövlətlər arasında imzalanan sənəddən ibarət deyil. Onun davamlı olması üçün cəmiyyətlərin, siyasi qüvvələrin və müxtəlif ictimai institutların da bu prosesə müsbət yanaşması vacibdir. Amma siyasi partiyaların bu prosesdə hansı formada və hansı çərçivədə iştirak edəcəyini müəyyən etmək bizim deyil, ilk növbədə sülh gündəliyini formalaşdıran dövlət rəhbərliyinin səlahiyyətindədir.

Bizim mövqeyimiz aydındır: əgər dövlət rəhbərliyi siyasi partiyaların da sülhün möhkəmləndirilməsinə töhfə verməsini məsləhət və məqsədəuyğun hesab edərsə, Azərbaycan siyasi partiyaları olaraq üzərimizə düşən məsuliyyəti yerinə yetirməyə və bu prosesə konstruktiv töhfə verməyi nəzərdən keçirə bilərik".

Böyük Quruluş Partiyasının sədri, deputat Fazil Mustafa gələcəkdə qeyri-dövlət strukturlarının da bu prosesə cəlb olunmasının vacib olduğunu söyləyib:

"Təbii ki, dövlətlərarası münasibətlərin digər mühüm komponentlərindən biri də cəmiyyətlərarası münasibətlərdir. Ayrı-ayrı vətəndaş cəmiyyəti qurumları, qeyri-hökumət təşkilatları və siyasi partiyalar da bu prosesdə gələcəkdə mühüm rol oynaya bilərlər.



Hələlik bu məsələ ilə bağlı hər hansı konkret təşəbbüs yoxdur. Ona görə də bu barədə dəqiq fikir söyləmək çətindir. Amma bütövlükdə bu istiqamətdə müəyyən addımların atılması nəzərdə tutula bilər. Çünki gələcəkdə münasibətlərin və cəmiyyətlərarası dialoqun inkişafı baxımından qeyri-dövlət strukturlarının da bu prosesə cəlb olunması vacibdir".

REAL Partiyasının sədri Natiq Cəfərli isə saytımıza açıqlamasında Ermənistan parlamentində təmsil olunan üç partiyadan yalnız birinin sülh quruculuğundan danışdığını bildirib:

"Biz parlamentdə təmsil olunan partiyayıq. Mən öz partiyamız haqqında danışa bilərəm. Əgər parlamentin belə bir qərarı olarsa, parlamentlərarası və partiyalararası dialoqun, görüşlərin təşkili ilə bağlı qərar qəbul edilərsə, biz buna normal yanaşarıq və Azərbaycan Respublikası Parlamentinin qərarı çərçivəsində belə görüşlərdə iştirak edə bilərik. Amma hələlik belə bir görüşün nəzərdə tutulması ilə bağlı heç bir məlumatımız yoxdur.



Bizim parlamentin rəhbəri ilə Ermənistan parlamentinin rəhbəri arasında beynəlxalq platformalarda görüşlər keçirilir. Bu da sülhün, xüsusilə dayanıqlı sülhün möhkəmlənməsi baxımından vacib addımlardan biridir. Belə görüşlərin keçirilməsi, əlbəttə, müsbət haldır. Əgər parlamentlərarası görüşlərin, siyasi partiyalar arasında təmasların keçirilməsi ilə bağlı dövlət səviyyəsində belə bir qərar olarsa, təbii ki, bu da sülh quruculuğu istiqamətində müəyyən addımların atılmasına yardımçı ola bilər. Paşinyanın partiyası ilə Azərbaycan Respublikasında fəaliyyət göstərən və parlamentdə təmsil olunan siyasi partiyalar arasında hər hansı görüşlərin keçirilməsi sülh quruculuğunda müəyyən addımların atılmasına, daha irəli mərhələyə keçilməsinə, şübhəsiz ki, yardımçı ola bilər". [/yandexrss][shortrss] https://kanal15tv.com/siyaset/15598-ceyhun-bayramov-litvali-hmkari-il-danisdi-sas-gundm-bu-oldu.html https://kanal15tv.com/siyaset/15598-ceyhun-bayramov-litvali-hmkari-il-danisdi-sas-gundm-bu-oldu.html Siyasət admin Thu, 03 Sep 2026 11:48:43 +0400 [/shortrss] [fullrss] https://kanal15tv.com/siyaset/15598-ceyhun-bayramov-litvali-hmkari-il-danisdi-sas-gundm-bu-oldu.html https://kanal15tv.com/siyaset/15598-ceyhun-bayramov-litvali-hmkari-il-danisdi-sas-gundm-bu-oldu.html ]]> admin Thu, 03 Sep 2026 11:48:43 +0400 [/fullrss] [yandexrss] https://kanal15tv.com/siyaset/15598-ceyhun-bayramov-litvali-hmkari-il-danisdi-sas-gundm-bu-oldu.html Siyasət Thu, 03 Sep 2026 11:48:43 +0400 3 sentyabr tarixində Azərbaycan Respublikasının xarici işlər naziri Ceyhun Bayramov ilə Litva Respublikasının xarici işlər naziri Kestutis Budris arasında telefon danışığı baş tutub.

XİN-dən verilən xəbərə görə, telefon danışığı zamanı Azərbaycan-Litva ikitərəfli münasibətlərinin cari vəziyyəti və inkişaf perspektivləri müzakirə olunub. Tərəflər siyasi dialoqun davam etdirilməsinin, qarşılıqlı maraq doğuran sahələrdə əməkdaşlığın daha da genişləndirilməsinin əhəmiyyətini qeyd ediblər.

Telefon danışığı zamanı həmçinin çoxtərəfli platformalar çərçivəsində tərəfdaşlığın inkişaf etdirilməsinin vacibliyi vurğulanıb. Kestutis Budris Litvanın 2027-ci ilin ilk yarısında Avropa İttifaqı Şurasına sədrliyə hazırlığı barədə məlumat verib. Azərbaycan-Avropa İttifaqı münasibətləri kontekstində Litvanın qarşıdan gələn sədrliyi dövründə bir sıra istiqamətlər üzrə səylər barədə fikir mübadiləsi aparılıb.

Nazirlər eyni zamanda regional təhlükəsizlik məsələlərini, Cənubi Qafqazda mövcud vəziyyət və regionda davamlı sülh və sabitliyin təmin olunması istiqamətində görülən işləri, eləcə də qarşılıqlı maraq doğuran digər beynəlxalq məsələləri müzakirə ediblər. [/yandexrss][shortrss] https://kanal15tv.com/siyaset/15565-ceyhun-bayramov-raqci-il-gorusdu.html https://kanal15tv.com/siyaset/15565-ceyhun-bayramov-raqci-il-gorusdu.html Siyasət admin Tue, 01 Sep 2026 11:08:12 +0400 [/shortrss] [fullrss] https://kanal15tv.com/siyaset/15565-ceyhun-bayramov-raqci-il-gorusdu.html https://kanal15tv.com/siyaset/15565-ceyhun-bayramov-raqci-il-gorusdu.html ]]> admin Tue, 01 Sep 2026 11:08:12 +0400 [/fullrss] [yandexrss] https://kanal15tv.com/siyaset/15565-ceyhun-bayramov-raqci-il-gorusdu.html Siyasət Tue, 01 Sep 2026 11:08:12 +0400 Azərbaycan Respublikasının xarici işlər naziri Ceyhun Bayramov Bişkekdə İran İslam Respublikasının xarici işlər naziri Seyid Abbas Əraqçi ilə görüşüb.

Xəbər verir ki, bu barədə XİN-in "X" hesabında paylaşılıb.

Qeyd edilib ki, nazirlər Azərbaycan–İran ikitərəfli münasibətlərinin cari vəziyyəti və inkişaf perspektivlərini, qarşılıqlı maraq doğuran sahələrdə əməkdaşlığın genişləndirilməsini müzakirə ediblər. Həmçinin regional məsələlər ətrafında fikir mübadiləsi aparılıb.

Nazirlər müntəzəm yüksək səviyyəli dialoqun davam etdirilməsinin və iki ölkə arasında qarşılıqlı faydalı layihələrin irəlilədilməsinin vacibliyini vurğulayıblar. [/yandexrss][shortrss] https://kanal15tv.com/siyaset/15559-hikmt-haciyevl-alen-simonyan-gorusub.html https://kanal15tv.com/siyaset/15559-hikmt-haciyevl-alen-simonyan-gorusub.html Siyasət admin Tue, 01 Sep 2026 09:56:06 +0400 [/shortrss] [fullrss] https://kanal15tv.com/siyaset/15559-hikmt-haciyevl-alen-simonyan-gorusub.html https://kanal15tv.com/siyaset/15559-hikmt-haciyevl-alen-simonyan-gorusub.html ]]> admin Tue, 01 Sep 2026 09:56:06 +0400 [/fullrss] [yandexrss] https://kanal15tv.com/siyaset/15559-hikmt-haciyevl-alen-simonyan-gorusub.html Siyasət Tue, 01 Sep 2026 09:56:06 +0400 Azərbaycan Respublikası Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev Ermənistan Təhlükəsizlik Şurasının katibi Alen Simonyanla görüşüb.

Xəbər verilir ki, Hikmət Hacıyev bu barədə “X” hesabında paylaşım edib.

O, görüşün Azərbaycan Prezidenti İlham Əliyev və Ermənistanın Baş naziri Nikol Paşinyanın Bişkekdə keçirilən görüşündən sonra baş tutduğunu bildirib.

“Prezident İlham Əliyev və Baş nazir Nikol Paşinyanın Bişkekdə keçirilən görüşündən sonra sülh gündəliyi ilə bağlı müzakirələr Alen Simonyanla davam etdirilib”, - deyə Hikmət Hacıyev qeyd edib. [/yandexrss][shortrss] https://kanal15tv.com/siyaset/15558-Ilham-liyev-rdoganla-gorusdu-gOrUntU.html https://kanal15tv.com/siyaset/15558-Ilham-liyev-rdoganla-gorusdu-gOrUntU.html Siyasət admin Tue, 01 Sep 2026 09:53:46 +0400 [/shortrss] [fullrss] https://kanal15tv.com/siyaset/15558-Ilham-liyev-rdoganla-gorusdu-gOrUntU.html https://kanal15tv.com/siyaset/15558-Ilham-liyev-rdoganla-gorusdu-gOrUntU.html ]]> admin Tue, 01 Sep 2026 09:53:46 +0400 [/fullrss] [yandexrss] https://kanal15tv.com/siyaset/15558-Ilham-liyev-rdoganla-gorusdu-gOrUntU.html Siyasət Tue, 01 Sep 2026 09:53:46 +0400 Sentyabrın 1-də Qırğızıstanın paytaxtı Bişkek şəhərində Azərbaycan Respublikasının Prezidenti İlham Əliyevin Türkiyə Respublikasının Prezidenti Rəcəb Tayyib Ərdoğanla görüşü olub.

Xəbər verir ki, bu barədə Prezidentin Mətbuat Xidməti məlumat yayıb.









[/yandexrss][shortrss] https://kanal15tv.com/siyaset/15556-azrbaycanermnistan-munasibtlrind-sulh-gundliyi-yeni-mrhly-kecir.html https://kanal15tv.com/siyaset/15556-azrbaycanermnistan-munasibtlrind-sulh-gundliyi-yeni-mrhly-kecir.html Siyasət admin Tue, 01 Sep 2026 09:45:11 +0400 [/shortrss] [fullrss] https://kanal15tv.com/siyaset/15556-azrbaycanermnistan-munasibtlrind-sulh-gundliyi-yeni-mrhly-kecir.html https://kanal15tv.com/siyaset/15556-azrbaycanermnistan-munasibtlrind-sulh-gundliyi-yeni-mrhly-kecir.html ]]> admin Tue, 01 Sep 2026 09:45:11 +0400 [/fullrss] [yandexrss] https://kanal15tv.com/siyaset/15556-azrbaycanermnistan-munasibtlrind-sulh-gundliyi-yeni-mrhly-kecir.html Siyasət Tue, 01 Sep 2026 09:45:11 +0400
Azərbaycan–Ermənistan münasibətlərində sülh gündəliyi yeni mərhələyə keçir.


Prezident İlham Əliyevin Bişkekdə Ermənistanın Baş naziri Nikol Paşinyanla görüşü Azərbaycan–Ermənistan münasibətlərində əldə olunan razılaşmaların praktiki müstəvidə davam etdirilməsi baxımından mühüm əhəmiyyət daşıyır.

Görüşdə Vaşinqtonda əldə olunmuş tarixi razılaşmalar, sülh sazişinin razılaşdırılmış mətninin paraflanması və iki ölkə arasında dövlətlərarası münasibətlərin normallaşdırılması istiqamətində atılan addımların əhəmiyyəti xüsusi vurğulanıb.

Xüsusilə diqqətçəkən məqam ondan ibarətdir ki, sülh artıq yalnız siyasi bəyanatlarla məhdudlaşmır.

Azərbaycan neft məhsullarının Ermənistana ixracı, tranzit imkanlarının genişlənməsi, ticarət və iqtisadi əlaqələrin qurulması sülhün real və praktiki nəticələrinin formalaşdığını göstərir.

TRIPP layihəsi, sərhədlərin delimitasiyası, iqtisadi və enerji əməkdaşlığının genişləndirilməsi isə regionda yeni bağlantıların və qarşılıqlı faydalı münasibətlərin yaranmasına mühüm imkanlar açır.

Ən vacib məqam isə liderlərin birbaşa təmasları davam etdirmək və əldə olunan razılaşmaları möhkəmləndirmək barədə razılığa gəlməsidir.

Bu, Cənubi Qafqazda uzunmüddətli və davamlı sülhün təmin olunması istiqamətində mühüm siyasi iradənin göstəricisidir.

Sülhün ən böyük göstəricisi sözlər deyil, xalqların həyatında hiss olunan real nəticələrdir.

Azərbaycan–Ermənistan münasibətlərində baş verən son proseslər məhz bu baxımdan xüsusi əhəmiyyət daşıyır.


Tural Bagirov

YAP Qəbələ rayon fəalı [/yandexrss][shortrss] https://kanal15tv.com/siyaset/15552-azrbaycanin-cografi-ustunluyu-baki-St-ucun-kritik-onmlidir.html https://kanal15tv.com/siyaset/15552-azrbaycanin-cografi-ustunluyu-baki-St-ucun-kritik-onmlidir.html Siyasət admin Mon, 31 Aug 2026 11:06:09 +0400 [/shortrss] [fullrss] https://kanal15tv.com/siyaset/15552-azrbaycanin-cografi-ustunluyu-baki-St-ucun-kritik-onmlidir.html https://kanal15tv.com/siyaset/15552-azrbaycanin-cografi-ustunluyu-baki-St-ucun-kritik-onmlidir.html ]]> admin Mon, 31 Aug 2026 11:06:09 +0400 [/fullrss] [yandexrss] https://kanal15tv.com/siyaset/15552-azrbaycanin-cografi-ustunluyu-baki-St-ucun-kritik-onmlidir.html Siyasət Mon, 31 Aug 2026 11:06:09 +0400 Müasir dünyada dövlətlərin beynəlxalq çəkisi yalnız ərazi, əhali və iqtisadiyyatının miqyası ilə müəyyənləşmir. Ölkənin coğrafi mövqeyi, regional proseslərə təsir imkanları və müxtəlif iqtisadi məkanları birləşdirən nəqliyyat-kommunikasiya xətləri üzərində yerləşməsi də onun strateji əhəmiyyətini müəyyən edən əsas amillərdəndir. Xüsusilə qlobal iqtisadi fəallığın getdikcə daha çox Asiyaya yönəldiyi, yeni nəqliyyat və enerji marşrutlarının iqtisadi maraqlarla yanaşı, geosiyasi əhəmiyyət də qazandığı indiki mərhələdə böyük coğrafiyaları bir-birinə bağlayan ölkələrin rolu daha da artır.

Azərbaycan məhz belə strateji mövqeyə malik dövlətlərdəndir. Ölkəmizin Avropa ilə Asiyanın kəsişməsində yerləşməsi, Xəzər dənizinə çıxışı və formalaşdırdığı müasir nəqliyyat infrastrukturu ona Mərkəzi Asiya, Cənubi Qafqaz, Türkiyə və Avropa arasında mühüm bağlantı rolunu oynamaq imkanı verir. Azərbaycanın son illərdə beynəlxalq münasibətlər sistemində mövqeyinin möhkəmlənməsi də bu imkanların daha səmərəli reallaşdırılması ilə müşayiət olunur.

Bu prosesdə Prezident İlham Əliyevin həyata keçirdiyi müstəqil, ardıcıl və milli maraqlara əsaslanan xarici siyasət mühüm rol oynayır. Bu siyasət Azərbaycanın müxtəlif güc mərkəzləri ilə qarşılıqlı faydalı əməkdaşlıq qurmasına, regional və qlobal proseslərdə fəal iştirakına imkan yaradıb. Azərbaycanın ərazi bütövlüyünün və suverenliyinin tam bərpası isə dövlətimizin milli maraqlarının təmin olunması istiqamətində həyata keçirilən siyasətin mühüm nəticələrindən biridir.

Son illərdə Azərbaycanın Asiyanın aparıcı dövlətləri ilə siyasi, iqtisadi, nəqliyyat, enerji və humanitar əlaqələri əhəmiyyətli dərəcədə genişlənib. Bu proses ölkəmizin Avrasiya məkanında etibarlı tərəfdaş kimi mövqeyini möhkəmləndirməklə yanaşı, müxtəlif çoxtərəfli platformalarla əməkdaşlığın əhəmiyyətini də artırıb. Bu baxımdan Şanxay Əməkdaşlıq Təşkilatı (ŞƏT) Azərbaycanın diqqət yetirdiyi mühüm beynəlxalq platformalardan biridir.

AZƏRTAC Azərbaycan-ŞƏT əməkdaşlığının artan əhəmiyyətini şərtləndirən amilləri, mövcud əlaqələri və yeni əməkdaşlıq imkanlarını təhlil edir.

2026-cı ildə yaradılmasının 25-ci ildönümünü qeyd edən ŞƏT bu gün 10 tamhüquqlu üzvü birləşdirir. Təşkilatın əhatə etdiyi coğrafiya təxminən 36 milyon kvadratkilometr, üzv ölkələrin ümumi əhalisi isə 3,4 milyard nəfərdən çoxdur. Dünya Bankının 2025-ci il məlumatlarına əsasən, ŞƏT-in 10 üzv ölkəsinin ümumi nominal ÜDM-i təxminən 27,4 trilyon dollar təşkil edir ki, bu da dünya ÜDM-in təxminən 23,1 faizinə bərabərdir.

Təşkilatın üzvləri arasında Çin, Hindistan və Rusiya kimi qlobal iqtisadi və siyasi güclərlə yanaşı, İran və Pakistan kimi geostrateji əhəmiyyətli dövlətlər, həmçinin Mərkəzi Asiyanın Qazaxıstan, Özbəkistan, Qırğızıstan və Tacikistan kimi ölkələri yer alır. Belarusun da üzvlüyü ilə ŞƏT-in Avrasiya miqyasında əhatə dairəsi daha da genişlənib. Təşkilatın 10 tamhüquqlu üzvündən əlavə, 2 müşahidəçi ölkəsi və 15 dialoq tərəfdaşı var.

ŞƏT bir tərəfdən dünyanın ən böyük əhali və istehlak bazarlarını, digər tərəfdən zəngin enerji və xammal resurslarına malik ölkələri, eyni zamanda, Avrasiyanın əsas quru nəqliyyat marşrutlarını bir platformada birləşdirir. Bu xüsusiyyət təşkilatın iqtisadi və geosiyasi əhəmiyyətini daha da artırır.

Azərbaycan bu nəhəng məkanla yalnız ikitərəfli əlaqələr vasitəsilə deyil, institusional əməkdaşlıq çərçivəsində də bağlıdır. Ölkəmiz 2015-ci ildən ŞƏT-in dialoq tərəfdaşıdır. Bu status Azərbaycanın təşkilatın siyasi, iqtisadi, nəqliyyat, enerji, təhlükəsizlik və humanitar gündəliyi ilə əlaqələrini genişləndirməsinə imkan verib.



ŞƏT-in 25 illik inkişaf yolu və genişlənən gündəliyi

ŞƏT-in bugünkü miqyasını onun keçdiyi yola nəzər salmaqla anlamaq mümkündür. Təşkilatın əsasında əvvəlcə Çinlə Mərkəzi Asiyanın postsovet dövlətləri arasında sərhədlərdə etimadın möhkəmləndirilməsi, hərbi risklərin azaldılması və qarşılıqlı təhlükəsizliyin təmin olunmasına yönələn mexanizmlər dayanırdı. Sonradan bu əməkdaşlıq daha geniş siyasi, təhlükəsizlik, iqtisadi və humanitar gündəliyə malik beynəlxalq təşkilata çevrildi.

2001-ci il iyunun 15-də Şanxayda yaradılan ŞƏT ilkin olaraq Çin, Rusiya, Qazaxıstan, Qırğızıstan, Tacikistan və Özbəkistanı birləşdirirdi. Sonrakı illərdə təşkilatın coğrafiyası genişləndi: 2017-ci ildə Hindistan və Pakistan, 2023-cü ildə İran, 2024-cü ildə isə Belarus tamhüquqlu üzvlər sırasına qoşuldu.

Təşkilatın hüquqi əsasını 2002-ci ildə imzalanmış ŞƏT Xartiyası təşkil edir. Sənəddə dövlətlərin suverenliyinə, müstəqilliyinə, ərazi bütövlüyünə və sərhədlərinin toxunulmazlığına qarşılıqlı hörmət, daxili işlərə qarışmamaq, gücdən istifadə etməmək və fikir ayrılıqlarını sülh yolu ilə həll etmək kimi prinsiplər təsbit olunub. Xartiya üzv dövlətlərin bərabərliyini və ŞƏT-in digər dövlətlərə və beynəlxalq təşkilatlara qarşı yönəlmədiyini də müəyyən edir. Bu yanaşma təşkilatın mühüm xüsusiyyətini ortaya qoyur. ŞƏT vahid siyasi və ya hərbi blok deyil. Onun daxilində fərqli siyasi sistemlərə, xarici siyasət prioritetlərinə və iqtisadi maraqlara malik dövlətlər təmsil olunur. Buna baxmayaraq, həmin dövlətlər ortaq maraq kəsb edən məsələlər üzrə eyni platformada əməkdaşlıq edirlər.

Təşkilatın hüquqi bazasının 25-dən çox saziş və digər normativ sənədi əhatə etməsi, fəaliyyətinin isə təhlükəsizliklə məhdudlaşmaması ŞƏT-in geniş institusional əməkdaşlıq sisteminə çevrildiyini göstərir. Terrorizm, separatizm, ekstremizm, narkotik və silahların qanunsuz dövriyyəsi, transmilli cinayətkarlıqla mübarizə ilə yanaşı, iqtisadi və investisiya əməkdaşlığı, nəqliyyat və kommunikasiya infrastrukturu, tranzit imkanları və enerji sistemlərinin inkişafı da təşkilatın gündəliyində yer alır.

ŞƏT-in 2035-ci ilədək İnkişaf Strategiyası təşkilatın gələcək istiqamətlərini də müəyyənləşdirir. Sənəddə təhlükəsizliklə yanaşı, ticarət, iqtisadiyyat və investisiya əməkdaşlığının genişləndirilməsi, birgə layihələrin həyata keçirilməsi, elm və texnologiya, səhiyyə, ətraf mühit və təhsil sahələrində əlaqələrin inkişafı prioritet kimi göstərilir. Bu baxımdan ŞƏT-i yalnız təhlükəsizlik təşkilatı kimi təqdim etmək düzgün olmazdı. Onun fəaliyyəti siyasi-diplomatik dialoqdan iqtisadiyyata, enerjidən nəqliyyata, elmdən təhsilə qədər geniş sahələri əhatə edir.

Nəhəng bazarlar və iqtisadi potensial

ŞƏT-in əsas gücünü onun demoqrafik və iqtisadi miqyası müəyyənləşdirir. Təşkilat məkanında Çin və Hindistan kimi dünyanın ən böyük əhali və istehlak mərkəzləri yerləşir. Rusiya, Pakistan və İran da böyük əhali və geniş daxili bazarlara malikdir. Bu, yalnız istehlak potensialı deyil, həm də böyük əmək resursu, sənaye imkanları və gələcək iqtisadi artım üçün geniş baza deməkdir. Çinin təxminən 19,5 trilyon dollarlıq, Hindistanın 3,96 trilyon dollarlıq, Rusiyanın isə 2,56 trilyon dollarlıq nominal ÜDM-i ŞƏT məkanının iqtisadi miqyasını aydın göstərir. Qazaxıstan və Özbəkistan kimi Mərkəzi Asiya iqtisadiyyatlarının sürətli inkişafı da bu mənzərəni tamamlayır.

Azərbaycan üçün bu məkan həm mövcud ticarət əlaqələri, həm də nəqliyyat, logistika, investisiya, sənaye və enerji imkanlarının genişləndirilməsi baxımından əhəmiyyətlidir. Lakin ölkəmizin əsas üstünlüyü ŞƏT üzvləri ilə iqtisadi miqyas baxımından rəqabət aparmasında deyil, həmin nəhəng iqtisadi məkanı daha geniş Avrasiya bazarları ilə birləşdirə bilməsindədir.

Enerji və nəqliyyat: ŞƏT məkanının strateji damarları

ŞƏT coğrafiyasında həm böyük enerji istehsalçıları, həm də dünyanın əsas enerji istehlakçıları yerləşir. Rusiya, İran və Qazaxıstan mühüm neft və qaz ehtiyatlarına malikdir. Çin və Hindistan isə qlobal enerji tələbatının əsas mərkəzləri sırasındadır.

Müasir dünyada enerji ehtiyatlarının mövcudluğu qədər onların təhlükəsiz, sabit və şaxələndirilmiş marşrutlarla istehlak bazarlarına çatdırılması da strateji əhəmiyyət daşıyır. Azərbaycanın üstünlüyü məhz bu mərhələdə daha aydın görünür. Ölkəmiz ŞƏT-in ən böyük enerji istehsalçısı deyil. Lakin Azərbaycan enerjinin istehsal olunduğu bölgələrlə istehlak bazarları arasında bağlantı yaradan mühüm dövlətlərdən biridir. Cənub Qaz Dəhlizi bunun ən aydın nümunəsidir. Təxminən 3500 kilometr uzunluğunda olan bu enerji sistemi Azərbaycan qazını Gürcüstan və Türkiyə vasitəsilə Avropaya çatdırır. 2025-ci ildə Azərbaycan Avropa İttifaqına üzv dövlətlərə bu dəhliz vasitəsilə 12,5 milyard kubmetr təbii qaz tədarük edib. Bakı-Tbilisi-Ceyhan, TANAP və TAP kimi layihələr də Azərbaycanın enerji infrastrukturunun müxtəlif regionları birləşdirmək imkanlarını nümayiş etdirir. Hazırda inkişaf etdirilən Zəngəzur dəhlizi (TRIPP) isə bu bağlantı imkanlarını daha da genişləndirə bilər.

Eyni məntiq nəqliyyat sahəsində də özünü göstərir. ŞƏT məkanı Şərqdən Qərbə, Şimaldan Cənuba uzanan əsas quru nəqliyyat istiqamətlərinin böyük hissəsini əhatə edir. Çin və Mərkəzi Asiyanın istehsal və ticarət mərkəzləri, Rusiya, İran və Hindistan istiqamətləri, Xəzər hövzəsi və Qərb bazarları arasında əlaqələrin genişlənməsi yeni logistika imkanlarını ön plana çıxarır. Azərbaycan bu xəritədə xüsusi coğrafi mövqeyə malikdir. Ölkəmiz eyni vaxtda Şərq-Qərb və Şimal-Cənub nəqliyyat marşrutlarının kəsişməsində yerləşir. Bakı Limanı, Bakı-Tbilisi-Qars dəmir yolu, Orta Dəhliz və “Şimal-Cənub” Beynəlxalq Nəqliyyat Dəhlizi müxtəlif istiqamətlər üzrə bağlantılar yaradır. Bakı Beynəlxalq Dəniz Ticarət Limanının birinci mərhələ üzrə illik yükaşırma qabiliyyətinin 15 milyon ton və 100 min TEU təşkil etməsi, gələcəkdə bu imkanın 25 milyon ton və 500 min TEU-ya çatdırılmasının nəzərdə tutulması Azərbaycanın bu nəqliyyat sistemindəki rolunu daha da gücləndirə bilər.

Nəhəng ŞƏT məkanında Azərbaycanın strateji yeri

Məhz burada Azərbaycan-ŞƏT münasibətlərinin əsas məntiqi ortaya çıxır. Azərbaycanın ŞƏT qarşısındakı üstünlüyünü yalnız ölkənin iqtisadi göstəriciləri ilə ölçmək düzgün olmaz. Əsas üstünlük Azərbaycanın yerləşdiyi coğrafiyadır. ŞƏT-in şərqində Çin, Hindistan və Pakistan, şimalında Rusiya, cənubunda İran, mərkəzində isə Mərkəzi Asiya yerləşir. Azərbaycan Xəzərin qərb sahilində, bu nəhəng məkanın mühüm hissəsini Türkiyə və Avropa ilə əlaqələndirən yolların üzərində yerləşir. Bir tərəfdə Çin və Mərkəzi Asiyanın nəhəng istehsal və istehlak bazarları, digər tərəfdə Avropa var. Digər istiqamətlərdə Rusiya, İran və Hindistan yerləşir. Bu geoiqtisadi xətlərin kəsişməsində Azərbaycan ŞƏT məkanı ilə Qərb arasında mühüm bağlantı rolunu oynaya bilər.

Ölkəmizin çoxtərəfli diplomatiya təcrübəsi də bu mövqeyi tamamlayır. Azərbaycanın Qoşulmama Hərəkatına 2019-2023-cü illərdə sədrliyi, COP29-a və Ümumdünya Şəhərsalma Forumuna ev sahibliyi, D-8-ə üzvlüyü, 2026-cı ildə İqtisadi Əməkdaşlıq Təşkilatının Xankəndidə Zirvə toplantısının keçirilməsi Azərbaycanın müxtəlif regional və beynəlxalq platformalarda fəal rolunu göstərir. Azərbaycanın 2024-2026-cı illərdə Asiyada Qarşılıqlı Fəaliyyət və Etimad Tədbirləri üzrə Müşavirəyə sədrliyi və bu il Bakıda AQEM Zirvə toplantısının keçirilməsinin planlaşdırılması da ölkəmizin çoxtərəfli diplomatiya imkanlarını genişləndirir.

Bu baxımdan məsələyə yalnız “Azərbaycan ŞƏT ilə əməkdaşlıqdan nə qazanır?” sualı ilə yanaşmaq kifayət deyil. Digər mühüm sual da budur: ŞƏT məkanı Azərbaycan vasitəsilə hansı yeni imkanları əldə edir?

Cavab, ilk növbədə, bağlantıdır. Xəzər dənizi, Bakı Limanı, Orta Dəhliz, Bakı-Tbilisi-Qars dəmir yolu, “Şimal-Cənub” marşrutu, Cənub Qaz Dəhlizi və gələcək regional nəqliyyat bağlantıları Azərbaycanın Şərqlə Qərb, Şimalla Cənub arasında strateji rolunu gücləndirir.

Xüsusilə Trans-Xəzər Beynəlxalq Nəqliyyat Marşrutunun və Orta Dəhlizin inkişafı Azərbaycanın Mərkəzi Asiya və Çin istiqamətindən Avropaya çıxışın təmin edilməsində mühüm tərəfdaş kimi mövqeyini möhkəmləndirir. Mərkəzi Asiya ölkələri, Çin və digər ŞƏT üzvləri ilə ikitərəfli əlaqələrin genişlənməsi isə bu çoxtərəfli əməkdaşlığın siyasi və iqtisadi əsaslarını daha da gücləndirir.

Azərbaycan-ŞƏT münasibətlərində yeni siyasi dinamika

Son illərdə Azərbaycan-ŞƏT münasibətlərində siyasi dinamika əhəmiyyətli dərəcədə artıb. Bu prosesdə Çin amili xüsusi əhəmiyyət daşıyır. 2024-cü il iyulun 3-də Astanada Azərbaycan və Çin arasında imzalanmış “Strateji tərəfdaşlığın qurulması haqqında Birgə Bəyannamə”də Çin Azərbaycanın ŞƏT çərçivəsində əməkdaşlığının gücləndirilməsi səylərini alqışlayıb və ölkəmizin təşkilatda hüquqi statusunun yüksəldilməsini dəstəklədiyini bildirib.

Çinin ŞƏT-in aparıcı dövlətlərindən biri olması və Azərbaycanla strateji tərəfdaşlığının inkişafı bu istiqamətdə yeni imkanlar yaradır. Azərbaycanın ŞƏT-lə siyasi təmaslarının intensivləşməsi Prezident İlham Əliyevin təşkilatın yüksəksəviyyəli tədbirlərində iştirakı ilə də özünü göstərir. Dövlətimizin başçısı 2022-ci ildə Özbəkistanda keçirilən ŞƏT Sammitində fəxri qonaq qismində iştirak edib, 2024-cü ildə Qazaxıstanda keçirilən sammitdə çıxış edib, 2025-ci ildə isə Çinin Tiencin şəhərində təşkilatın tədbirlərinə qatılıb.

Azərbaycan-Çin münasibətlərinin son illərdə yeni səviyyəyə yüksəlməsi də ŞƏT çərçivəsində əməkdaşlığın praktiki məzmununu gücləndirən amillərdəndir. Azərbaycanın “Bir kəmər, bir yol” təşəbbüsünü dəstəkləməsi, Çində “Azərbaycan Ticarət Evi”nin fəaliyyət göstərməsi, ticarət, investisiya və logistika sahələrində əlaqələrin genişlənməsi iki ölkə arasında əməkdaşlığın iqtisadi əsaslarını möhkəmləndirir. Prezident İlham Əliyevin 2025-ci il avqustun 31-də Tiencində keçirilən “ŞƏT plyus” formatında görüşdə iştirakı da bu baxımdan xüsusi əhəmiyyət daşıyıb. Dövlətimizin başçısı Azərbaycan-Çin əlaqələrinin son iki ildə keyfiyyətcə yeni mərhələyə yüksəldiyini, strateji tərəfdaşlıqdan hərtərəfli strateji tərəfdaşlığa keçidin rəsmiləşdirildiyini bildirib. Eyni zamanda, Azərbaycanın Çinin Qlobal İnkişaf, Qlobal Təhlükəsizlik və Qlobal Sivilizasiya təşəbbüslərini dəstəklədiyini vurğulayıb. Həmin gün Si Cinpinlə keçirilən görüşdə Azərbaycanın ŞƏT-lə əlaqələrinin genişləndirilməsi məsələsinin müzakirə olunması da bu istiqamətin ikitərəfli gündəlikdəki əhəmiyyətini göstərib.

Azərbaycanın ŞƏT-lə əməkdaşlığı siyasi dialoqla yanaşı, təhlükəsizlik, iqtisadiyyat və humanitar sahələri də əhatə edir. Terrorçuluq, ekstremizm, separatçılıq, narkotik vasitələrin qanunsuz dövriyyəsi, kibercinayətkarlıq və transmilli mütəşəkkil cinayətkarlıqla mübarizə təhlükəsizlik gündəliyində mühüm yer tutur. İqtisadi sahədə isə ticarət və investisiyalarla yanaşı, energetika, kənd təsərrüfatı, nəqliyyat və kommunikasiyalar, telekommunikasiya, kiçik və orta biznes, multimodal dəhlizlər və tranzit imkanlarının inkişafı ön plana çıxır.

Humanitar əməkdaşlıq da münasibətlərin mühüm istiqamətlərindəndir. Mədəniyyət, təhsil, elm, səhiyyə, turizm, sivilizasiyalararası dialoq, multikulturalizm və tolerantlıq sahələrində əlaqələr tərəfdaşlığın yalnız siyasi və iqtisadi maraqlara söykənmədiyini göstərir.

Azərbaycanın təşkilatla tərəfdaşlığının institusional baxımdan inkişafında 2025-ci ildə Tiencin Sammitində qəbul edilən qərar da mühüm mərhələ olub. Müşahidəçi və dialoq tərəfdaşı statuslarının vahid “ŞƏT tərəfdaşı” statusunda birləşdirilməsi təşkilat daxilində əməkdaşlıq mexanizmlərinin yenilənməsinə şərait yaradıb və Azərbaycan da yeni tərəfdaşlıq formatına daxil olub.

2026-cı ildə ŞƏT-in yaradılmasının 25-ci ildönümünün qeyd olunması təşkilatın inkişafında yeni mərhələyə diqqəti artırıb. Qırğızıstanın sədrliyi dövründə “ŞƏT-in 25 ili: Dayanıqlı sülh, inkişaf və rifah naminə birlikdə” şüarının müəyyənləşdirilməsi, yubiley tədbirlərinin və Zirvə toplantısının Bişkekdə keçirilməsi təşkilatın gələcək gündəliyinin aktuallığını göstərir.

Azərbaycan-ŞƏT əməkdaşlığının humanitar və mədəni ölçüsünün diqqətçəkən nümunələrindən biri də Nizami Gəncəvinin irsinin təşkilat məkanında təbliğidir. 2021-ci ildə Heydər Əliyev Fondunun təşəbbüsü ilə şairin 880 illik yubileyi münasibətilə onun büstü Pekindəki ŞƏT qərargahında ucaldılıb. Bununla Nizami Gəncəvinin irsi ŞƏT məkanında Azərbaycan mədəniyyətinin mühüm simvollarından biri kimi təqdim olunub.

Azərbaycan-ŞƏT iqtisadi əməkdaşlığı

Azərbaycanın ŞƏT məkanındakı mövqeyini gücləndirən əsas amillərdən biri Mərkəzi Asiya dövlətləri ilə əlaqələrin sürətlə inkişaf etməsidir. Bu baxımdan ŞƏT-in 2026-cı ildə Qırğızıstanın paytaxtı Bişkekdə keçiriləcək Zirvə toplantısı xüsusi əhəmiyyət daşıyır.

Azərbaycan-Qırğızıstan münasibətlərinin cari il iyulun 31-də imzalanmış Müttəfiqlik münasibətləri haqqında Müqavilə ilə yeni mərhələyə yüksəlməsi, Dövlətlərarası Şuranın fəaliyyəti, yüksəksəviyyəli qarşılıqlı səfərlər və humanitar layihələr iki ölkə arasında əməkdaşlığın möhkəm institusional əsaslara malik olduğunu göstərir. Qırğızıstanın ŞƏT-ə sədrliyi fonunda bu münasibətlərin yüksək səviyyəsi Azərbaycanın təşkilatla əlaqələri üçün əlavə siyasi və iqtisadi imkanlar yaradır.

Azərbaycanın müxtəlif geosiyasi məkanlarla paralel əməkdaşlıq siyasəti də ŞƏT-lə münasibətlərinin məzmununu genişləndirir. Avropa ilə siyasi və iqtisadi əlaqələrin inkişafı, Türk dünyası və İslam ölkələri ilə əməkdaşlığın dərinləşdirilməsi ölkəmizin müxtəlif regional platformalar arasında əlaqələndirici rolunu gücləndirir. Cənubi Qafqazda yeni sülh reallıqlarının formalaşması isə bu imkanlara nəqliyyat və iqtisadi bağlantılar baxımından əlavə məzmun qazandırır.

Vaşinqtonda Azərbaycan və Ermənistan arasında sülh sazişinin paraflanması regionda uzunmüddətli sabitlik və əməkdaşlıq üçün yeni perspektivlər açır. Sülh gündəliyinin möhkəmlənməsi Şərq-Qərb və Şimal-Cənub nəqliyyat bağlantılarının genişlənməsinə, regional logistikanın inkişafına və yeni iqtisadi layihələrin həyata keçirilməsinə əlverişli şərait yarada bilər. Zəngəzur dəhlizinin inkişafı da Azərbaycanın Mərkəzi Asiya və daha geniş ŞƏT məkanı ilə bağlantı imkanlarını artıran amillərdən biridir.

Siyasi dialoqu iqtisadi əməkdaşlıq tamamlayır. 2025-ci ildə Azərbaycanın ümumi xarici ticarət dövriyyəsi 48,9 milyard dollar təşkil edib. Həmin il xarici ticarətdə Rusiya 10 faiz, Çin 9,9 faiz, Özbəkistan 1,6 faiz, Qazaxıstan 1,4 faiz, İran isə 1,3 faiz paya malik olub. Bu göstəricilər ŞƏT üzvlərinin Azərbaycan üçün artıq real və əhəmiyyətli iqtisadi tərəfdaşlara çevrildiyini göstərir.

Əlaqələrin genişləndirilməsi üçün potensial yalnız ticarətlə məhdudlaşmır. ŞƏT məkanı Azərbaycan üçün nəqliyyat və logistika, investisiya, sənaye, energetika və qeyri-neft sektorunda əməkdaşlığın genişləndirilməsi baxımından böyük imkanlar yaradır. Azərbaycanın Orta Dəhlizdəki mövqeyi, Xəzər üzərindən nəqliyyat bağlantıları və Avropa bazarlarına çıxış imkanları ŞƏT ölkələrinin artan istehsal və ixrac potensialı ilə birləşdikdə yeni iqtisadi zəncirlərin formalaşmasına şərait yarada bilər.

Cənubi Qafqazda sülhün möhkəmlənməsi isə Şərq-Qərb və Şimal-Cənub marşrutlarının daha səmərəli inteqrasiyası üçün əlavə imkanlar yaradır. Bu baxımdan Azərbaycan-Qırğızıstan əlaqələrinin inkişafı, Mərkəzi Asiya ölkələri ilə artan iqtisadi əməkdaşlıq və Çinlə strateji tərəfdaşlığın dərinləşməsi daha geniş regional bağlantının ayrı-ayrı elementləri kimi çıxış edir.

Azərbaycan-ŞƏT əməkdaşlığının gələcəyinə yalnız təşkilatla münasibətlərin formal genişlənməsi prizmasından yanaşmaq kifayət deyil. Əsas məsələ Azərbaycanın ŞƏT məkanının yaratdığı geniş iqtisadi və geosiyasi imkanları öz nəqliyyat, enerji, investisiya və diplomatik potensialı ilə necə birləşdirə bilməsidir.

ŞƏT-in gücü onun nəhəng coğrafiyasında, əhalisində, iqtisadi resurslarında və bazarlarında, Azərbaycanın üstünlüyü isə bu nəhəng məkanı Xəzər üzərindən Qərb istiqaməti ilə birləşdirən coğrafi mövqeyindədir. Azərbaycanın əsas üstünlüyü ŞƏT ölkələri ilə miqyas baxımından rəqabət aparmaqda deyil, həmin məkanın yaratdığı iqtisadi potensialı nəqliyyat, logistika, enerji və investisiya imkanlarına çevirməkdədir.

Müasir Avrasiyanın dəyişən geosiyasi və geoiqtisadi xəritəsində bu iki amilin - ŞƏT-in miqyası və Azərbaycanın bağlantı imkanlarının - kəsişməsi Azərbaycan-ŞƏT əməkdaşlığının əsas strateji məzmununu formalaşdırır.



[/yandexrss][shortrss] https://kanal15tv.com/siyaset/15537-mnim-prezidentim-Ilham-liyevin-2026-ci-il-avqustun-23-d-Ozbkistana-dovlt-sfri-zamani-azrbaycanOzbkistan-munasibtlrinin-strateji-xarakterini-bir-daha-numayis-etdirdi.html https://kanal15tv.com/siyaset/15537-mnim-prezidentim-Ilham-liyevin-2026-ci-il-avqustun-23-d-Ozbkistana-dovlt-sfri-zamani-azrbaycanOzbkistan-munasibtlrinin-strateji-xarakterini-bir-daha-numayis-etdirdi.html Siyasət admin Fri, 28 Aug 2026 11:49:09 +0400 [/shortrss] [fullrss] https://kanal15tv.com/siyaset/15537-mnim-prezidentim-Ilham-liyevin-2026-ci-il-avqustun-23-d-Ozbkistana-dovlt-sfri-zamani-azrbaycanOzbkistan-munasibtlrinin-strateji-xarakterini-bir-daha-numayis-etdirdi.html https://kanal15tv.com/siyaset/15537-mnim-prezidentim-Ilham-liyevin-2026-ci-il-avqustun-23-d-Ozbkistana-dovlt-sfri-zamani-azrbaycanOzbkistan-munasibtlrinin-strateji-xarakterini-bir-daha-numayis-etdirdi.html ]]> admin Fri, 28 Aug 2026 11:49:09 +0400 [/fullrss] [yandexrss] https://kanal15tv.com/siyaset/15537-mnim-prezidentim-Ilham-liyevin-2026-ci-il-avqustun-23-d-Ozbkistana-dovlt-sfri-zamani-azrbaycanOzbkistan-munasibtlrinin-strateji-xarakterini-bir-daha-numayis-etdirdi.html Siyasət Fri, 28 Aug 2026 11:49:09 +0400 Mənim Prezidentim İlham Əliyevin 2026-cı il avqustun 23-də Özbəkistana dövlət səfəri zamanı Azərbaycan–Özbəkistan münasibətlərinin strateji xarakterini bir daha nümayiş etdirdi.
Mənim Prezidentim iki ölkə arasında əlaqələrin yalnız siyasi və iqtisadi maraqlara deyil, eyni zamanda ortaq tarixə, mədəniyyətə və mənəvi dəyərlərə əsaslandığını göstərir.
Azərbaycan və Özbəkistanı bir-birinə bağlayan mühüm amillərdən biri xalqlarımızın tarixi və mədəni yaxınlığıdır. Ortaq türk kökləri, zəngin dövlətçilik ənənələri, dil və mədəniyyət sahəsində oxşarlıqlar iki xalq arasında qarşılıqlı rəğbətin möhkəmlənməsinə şərait yaradıb. Bu mənəvi yaxınlıq dövlətlərarası münasibətlərin inkişafı üçün möhkəm baza formalaşdırır.
Son illərdə Azərbaycan–Özbəkistan əlaqələri müxtəlif istiqamətlərdə dinamik şəkildə inkişaf edir. Siyasi dialoqun yüksək səviyyəsi iqtisadi əməkdaşlığın genişlənməsi, ticarət dövriyyəsinin artırılması, investisiya layihələrinin həyata keçirilməsi və nəqliyyat əlaqələrinin inkişafı ilə müşayiət olunur.
Əlaqələrin maddi təməli də getdikcə möhkəmlənir. Ticarət, sənaye, kənd təsərrüfatı, nəqliyyat-logistika və digər sahələrdə əməkdaşlığın genişləndirilməsi üçün böyük imkanlar mövcuddur. Azərbaycanın əlverişli coğrafi mövqeyi və nəqliyyat infrastrukturu ilə Özbəkistanın Mərkəzi Asiyada mühüm iqtisadi mövqeyi bir-birini tamamlayır. Bu baxımdan iki ölkənin əməkdaşlığı yalnız ikitərəfli münasibətlər üçün deyil, daha geniş regional layihələr baxımından da əhəmiyyət daşıyır.
Azərbaycan və Özbəkistan beynəlxalq və regional məsələlərdə də bir-birinə yaxın mövqelər nümayiş etdirirlər. Qarşılıqlı dəstək və etimad münasibətlərin siyasi dayaqlarını gücləndirir.
Qeyd edim ki, Türk dünyasında əməkdaşlığın inkişafı iki ölkənin qarşılıqlı fəaliyyətinin əhəmiyyətini daha da artırır.
Mənim Prezidentim bəyanatında vurğulanan “həm mənəvi, həm də maddi təməl” ifadəsi Azərbaycan–Özbəkistan münasibətlərinin mahiyyətini aydın şəkildə əks etdirir. Mənəvi yaxınlıq xalqlar arasında dostluğun əsasını təşkil etdiyi halda, iqtisadi və siyasi əməkdaşlıq bu dostluğu real layihələr və qarşılıqlı faydalı tərəfdaşlıqla möhkəmləndirir.
Odur ki, Azərbaycan–Özbəkistan münasibətləri ənənəvi dostluqdan strateji tərəfdaşlığa doğru inkişaf edən çoxşaxəli əlaqələr sistemi kimi xarakterizə oluna bilər. Dövlətlər arasında yüksək səviyyəli siyasi etimad, xalqların mənəvi yaxınlığı və artan iqtisadi əməkdaşlıq gələcəkdə ikitərəfli münasibətlərin daha da möhkəmlənməsi üçün əlverişli zəmin yaradır.

Qəbələ rayon YAP fəalı Tural Bagirov [/yandexrss][shortrss] https://kanal15tv.com/siyaset/15478-hikmt-haciyev-qarabagdan-buxaraya-uzanan-bir-elm-yolu.html https://kanal15tv.com/siyaset/15478-hikmt-haciyev-qarabagdan-buxaraya-uzanan-bir-elm-yolu.html Siyasət admin Mon, 24 Aug 2026 11:55:01 +0400 [/shortrss] [fullrss] https://kanal15tv.com/siyaset/15478-hikmt-haciyev-qarabagdan-buxaraya-uzanan-bir-elm-yolu.html https://kanal15tv.com/siyaset/15478-hikmt-haciyev-qarabagdan-buxaraya-uzanan-bir-elm-yolu.html ]]> admin Mon, 24 Aug 2026 11:55:01 +0400 [/fullrss] [yandexrss] https://kanal15tv.com/siyaset/15478-hikmt-haciyev-qarabagdan-buxaraya-uzanan-bir-elm-yolu.html Siyasət Mon, 24 Aug 2026 11:55:01 +0400 Azərbaycan Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev Buxaradan paylaşım edib.

Kanal 15Tv.com xəbər verir ki, bu barədə o, "X" hesabında yazıb.

"Qarabağdan Buxaraya uzanan bir elm yolu… XVII əsrin görkəmli filosofu və alimi Yusif Qarabaği Qarabağdan çıxaraq Səmərqənd və Buxarada fəaliyyət göstərib, Orta Asiyanın elmi-mədəni həyatında mühüm iz qoyub. 1619-cu ildə Buxara hökmdarı Bahadur xan onun şərəfinə kitabxana tikdirib və Yusif Qarabağini həmin kitabxananın rəhbəri təyin edib. Bu gün də Yusif Qarabağinin məzarı Buxaradadır. Qarabağdan Buxaraya - əsrləri aşan elm, mədəniyyət və dostluq körpüsü", - deyə o, paylaşımda qeyd edilib. [/yandexrss]