https://kanal15tv.com/ Sosial - Kanal15tv.com[shortrss] https://kanal15tv.com/cemiyyet/15668-cbrayilin-soltanli-kndinin-tikintisindn-yeni-goruntu.html https://kanal15tv.com/cemiyyet/15668-cbrayilin-soltanli-kndinin-tikintisindn-yeni-goruntu.html Cəmiyyət / Sosial admin Thu, 10 Sep 2026 11:05:13 +0400 [/shortrss] [fullrss] https://kanal15tv.com/cemiyyet/15668-cbrayilin-soltanli-kndinin-tikintisindn-yeni-goruntu.html https://kanal15tv.com/cemiyyet/15668-cbrayilin-soltanli-kndinin-tikintisindn-yeni-goruntu.html ]]> admin Thu, 10 Sep 2026 11:05:13 +0400 [/fullrss] [yandexrss] https://kanal15tv.com/cemiyyet/15668-cbrayilin-soltanli-kndinin-tikintisindn-yeni-goruntu.html Cəmiyyət / Sosial Thu, 10 Sep 2026 11:05:13 +0400 İşğaldan azad olunmuş Cəbrayıl rayonunun Soltanlı kəndinin tikintisi davam etdirilir.

Xəbər verilir ki, Cəbrayıl, Qubadlı və Zəngilan rayonlarında Bərpa, Tikinti və İdarəetmə Xidməti Soltanlının tikintisini əks etdirən yeni video yayıb.

Qeyd edək ki, Soltanlı kəndinin Baş planı Dövlət Şəhərsalma və Arxitektura Komitəsinin sifarişi əsasında Macarıstanın tikinti və layihələndirmə sahəsində fəaliyyət göstərən "KESZ" şirkətlər qrupu və Bakı Dövlət Layihə İnstitutu tərəfindən hazırlanıb.
Layihələndirilən Soltanlı kəndi Araz çayının sahilində, Horadiz-Cəbrayıl-Zəngilan-Ağbənd yolunun üzərində yerləşir. Beynəlxalq nəqliyyat dəhlizinin bir hissəsini təşkil edən Əhmədbəyli-Horadiz-Mincivan-Ağbənd avtomobil yolu kəndin şimal hissəsinə bitişik ərazidən keçir. Həmçinin "Araz Vadisi İqtisadi Zonası" Sənaye Parkı Soltanlının yaxınlığında yerləşir.

Ümumi sahəsi 108,53 hektar olan bu yaşayış məntəqəsində həyətyanı sahəsi olan 420 ev tikilir. Həmin evlərdən 80-i ikiotaqlı, 200-ü üçotaqlı, 110-u dördotaqlı, 30-u isə beşotaqlıdır. Bütün evlər birmərtəbəlidir və hər birinin həyətyanı sahəsində köməkçi tikililər nəzərdə tutulub.

Kənddə 140 yerlik uşaq bağçası, inzibati bina, həkim-tibb məntəqəsi, klub-icma mərkəzi, çoxfunksiyalı bina, Bayraq Meydanı, ticarət və ictimai iaşə obyektləri inşa edilir.

İşlərin bu ilin sonunadək yekunlaşdırılması və Soltanlı kəndinə ilk sakinlərin mərhələli şəkildə köçürülməsi planlaşdırılır.




[/yandexrss][shortrss] https://kanal15tv.com/cemiyyet/15640-usaqli-aillr-ipoteka-v-ilkin-odnis-dstyi-tklif-olunur.html https://kanal15tv.com/cemiyyet/15640-usaqli-aillr-ipoteka-v-ilkin-odnis-dstyi-tklif-olunur.html Cəmiyyət / Sosial admin Tue, 08 Sep 2026 15:44:32 +0400 [/shortrss] [fullrss] https://kanal15tv.com/cemiyyet/15640-usaqli-aillr-ipoteka-v-ilkin-odnis-dstyi-tklif-olunur.html https://kanal15tv.com/cemiyyet/15640-usaqli-aillr-ipoteka-v-ilkin-odnis-dstyi-tklif-olunur.html ]]> admin Tue, 08 Sep 2026 15:44:32 +0400 [/fullrss] [yandexrss] https://kanal15tv.com/cemiyyet/15640-usaqli-aillr-ipoteka-v-ilkin-odnis-dstyi-tklif-olunur.html Cəmiyyət / Sosial Tue, 08 Sep 2026 15:44:32 +0400 Azərbaycanda son illər doğum saylarında müşahidə olunan azalma tendensiyası fonunda uşağın dünyaya gəlməsinə görə verilən birdəfəlik müavinət məsələsi müzakirə olunur.

Azərbaycanda uşağın dünyaya gəlməsinə görə verilən birdəfəlik müavinət hazırda bütün ailələr üçün eyni məbləğdə yəni 600 manat müəyyən edilib. Lakin cəmiyyətdə bu məbləğin uşaqların sayına görə fərqlənməsiylə bağlı müzakirələr gedir.

Mövzuyla bağlı Milli Məclisin deputatı Razi Nurullayev Modern.az-a açıqlamasında doğum səviyyəsinin azalmasını yalnız “uşaq pulu vermək” məsələsinə bağlamağın düzgün olmadığını qeyd edib. Onun fikirlərinə görə ailə üçün uşaq sahibi olmaq bir günlük qərar deyil. Bu, illərlə davam edən məsuliyyətdir.

"Sinqapurun, İsveçin və bir çox bənzər ölkələrin təcrübəsində maraqlı bir cəhət var. Dövlət ailəyə yalnız uşağın doğulduğu gün müəyyən məbləğ vermir. Mənzil, uşaq baxımı, valideynlərin işləməsi, təhsil və uşağın gələcəyi birlikdə düşünülür. Məncə, Azərbaycanda da ailəyə yalnız maddi yardım göstərmək yox, onun gələcəyə daha inamla baxmasına imkan verən sistem qurmaq lazımdır.

Əsas məsələ ailənin hər bir uşağı layiqli şəraitdə böyüdə bilməsi, onun sağlamlığına, təhsilinə və inkişafına imkanların yaradılmasıdır. Yəni demoqrafik siyasətdə vacib olan təkcə kəmiyyət deyil, həm də keyfiyyətdir.

Amma təkcə müavinəti artırmaqla problemi həll etmək mümkün deyil. Mən hesab edirəm ki, “Gənc ailə və demoqrafik inkişaf haqqında” kompleks dövlət proqramı hazırlanmalıdır. Burada uşaqlı ailələr üçün güzəştli ipoteka və ilkin ödənişə dəstək, daha əlçatan bağçalar, işləyən valideynlər üçün çevik iş imkanları, eləcə də uşağın təhsil və inkişafına uzunmüddətli dövlət dəstəyi nəzərdə tutula bilər".

Razi Nurullayev sonda qeyd edib ki, məqsədimiz sadəcə daha çox uşağın doğulması olmamalıdır. Məqsədimiz uşaqlarını yaxşı şəraitdə böyüdə bilən, gələcəyindən qorxmayan və özünü güvənli hiss edən ailələrin sayını artırmaq olmalıdır. Bu isə təkcə demoqrafik siyasət deyil, Azərbaycanın gələcəyinə investisiyadır. [/yandexrss][shortrss] https://kanal15tv.com/sosial/15626-mktb-hazirliq-canta-v-forma-il-bitmir-pediatrdan-cagiris.html https://kanal15tv.com/sosial/15626-mktb-hazirliq-canta-v-forma-il-bitmir-pediatrdan-cagiris.html Sosial admin Mon, 07 Sep 2026 15:49:29 +0400 [/shortrss] [fullrss] https://kanal15tv.com/sosial/15626-mktb-hazirliq-canta-v-forma-il-bitmir-pediatrdan-cagiris.html https://kanal15tv.com/sosial/15626-mktb-hazirliq-canta-v-forma-il-bitmir-pediatrdan-cagiris.html ]]> admin Mon, 07 Sep 2026 15:49:29 +0400 [/fullrss] [yandexrss] https://kanal15tv.com/sosial/15626-mktb-hazirliq-canta-v-forma-il-bitmir-pediatrdan-cagiris.html Sosial Mon, 07 Sep 2026 15:49:29 +0400 Yeni tədris ilinin başlanmasına az qalır. Valideynlərin əksəriyyəti övladları üçün məktəbli forması, çanta, ayaqqabı və digər ləvazimatları hazırlasa da, uşaqların sağlamlıq baxımından məktəb və bağçaya hazırlığı çox vaxt ikinci planda qalır.

Pediatr-neonatoloq Kamil Şərifov açıqlamasında bildirib ki, məktəbə hazırlığın əsas hissələrindən biri uşağın pediatr müayinəsindən keçirilməsi olmalıdır.

Onun sözlərinə görə, müayinə zamanı uşağın boyu, çəkisi və ümumi inkişafı qiymətləndirilməli, ehtiyac yarandıqda müvafiq analizlər aparılmalıdır:

“Valideynlərin çoxu məktəb üçün paltar, ayaqqabı, çanta, dəftər və qələmləri hazırlayır. Amma uşağın sağlamlığının yoxlanılması da ən az bunlar qədər vacibdir. Uşaq keçənilki çantası ilə məktəbə gedə bilər, amma sağlamlığını keçən ildən qalan göstəricilərlə qiymətləndirmək olmaz”.

Həkim qeyd edib ki, dəmir çatışmazlığı və anemiya uşaqlarda yorğunluğa, diqqətin və koqnitiv göstəricilərin zəifləməsinə, nəticədə məktəb performansının aşağı düşməsinə səbəb ola bilər.

K.Şərifovun sözlərinə görə, xüsusilə qidalanma problemi, klinik əlamətləri və ya digər risk faktorları olan uşaqlarda dəmir çatışmazlığı və anemiyanın qiymətləndirilməsi məqsədəuyğundur. Menstruasiyası başlayan yeniyetmə qızlarda isə dəmir çatışmazlığı riski ayrıca nəzərə alınmalıdır.

Pediatr bununla yanaşı, sağlam görünən hər uşağa səbəbsiz şəkildə çoxsaylı analizlərin təyin edilməsini düzgün hesab etmir:

“Məqsəd nə qədər çox analiz aparmaq deyil. Pediatr uşağın yaşını, şikayətlərini və risk faktorlarını nəzərə alaraq hansı müayinələrin lazım olduğuna qərar verməlidir”.

“Yuxu rejimini indidən dəyişmək lazımdır”

Həkim məktəbə hazırlıq dövründə uşaqların yuxu rejiminə də xüsusi diqqət yetirilməli olduğunu vurğulayıb.

Onun fikrincə, yay aylarında gec yatıb gec oyanmağa öyrəşmiş uşağın məktəbin ilk günü birdən-birə erkən oyadılması düzgün yanaşma deyil:

“Məktəb başlamazdan əvvəl uşağın yatmaq və oyanmaq saatlarını tədricən tədris rejiminə uyğunlaşdırmaq lazımdır. Normal yuxu uşağın diqqəti, yaddaşı və gün ərzində aktivliyi üçün vacibdir”.

Peyvənd kartları yoxlanılmalıdır

K.Şərifov bildirib ki, məktəb və bağçalar uşaqların bir-biri ilə sıx təmasda olduğu məkanlar olduğundan infeksiyaların yayılma riski də artır.

Bu səbəbdən yeni tədris ili başlamazdan əvvəl valideynlərə uşağın peyvənd kartını nəzərdən keçirmək, yaşına uyğun peyvəndlərin tamamlanıb-tamamlanmadığını yoxlamaq tövsiyə olunur.

“Yarımçıq peyvəndlər varsa, həkimlə birlikdə onların tamamlanması planlaşdırılmalıdır. Peyvənd yalnız uşağın özünü deyil, evdə yaşayan körpələri, yaşlıları, xroniki xəstəliyi və ya immun sistemi zəif olan şəxsləri də müəyyən infeksiyalardan qorumağa kömək edir”, - pediatr bildirib.

Qrip peyvəndi də gündəmdə olmalıdır

Həkim payız-qış mövsümündə respirator infeksiyaların artdığını xatırladaraq qrip peyvəndinin də nəzərə alınmasını vacib sayıb.

O bildirib ki, Amerika Pediatriya Akademiyası tibbi əks göstərişi olmayan 6 aydan böyük uşaqların hər il mövsümi qrip peyvəndi ilə peyvənd olunmasını tövsiyə edir.

“Qrip peyvəndinin məqsədi yalnız yoluxmanın qarşısını almaq deyil. Peyvənd ağır xəstəlik və hospitalizasiya riskinin azalmasına, eyni zamanda infeksiyanın ailə daxilində yayılmasının məhdudlaşdırılmasına kömək edə bilər”, - K.Şərifov deyib.

Pediatrın sözlərinə görə, məktəbə hazırlıq yalnız məktəb ləvazimatlarının alınması ilə məhdudlaşmamalıdır:

“Çantanı, dəftəri və formanı bir neçə saata almaq mümkündür. Amma uşağın sağlamlığına əvvəlcədən diqqət yetirmək lazımdır. Pediatr müayinəsi, böyümə və inkişafın qiymətləndirilməsi, ehtiyac olduqda laborator müayinələr, görmənin yoxlanılması, düzgün yuxu rejimi, balanslı qidalanma və peyvəndlərin tamamlanması məktəb hazırlığının əsas hissəsidir.

Məqsəd uşağı məktəbin ilk günü ən gözəl çanta ilə göndərmək deyil. Əsas məqsəd onun sağlam, enerjili, diqqətini toplaya bilən və yeni tədris ilinə həqiqətən hazır olmasıdır”. [/yandexrss][shortrss] https://kanal15tv.com/sosial/15600-3-usagi-olan-aillr-sad-xbr-muavint-veril-bilr.html https://kanal15tv.com/sosial/15600-3-usagi-olan-aillr-sad-xbr-muavint-veril-bilr.html Sosial admin Thu, 03 Sep 2026 14:04:34 +0400 [/shortrss] [fullrss] https://kanal15tv.com/sosial/15600-3-usagi-olan-aillr-sad-xbr-muavint-veril-bilr.html https://kanal15tv.com/sosial/15600-3-usagi-olan-aillr-sad-xbr-muavint-veril-bilr.html ]]> admin Thu, 03 Sep 2026 14:04:34 +0400 [/fullrss] [yandexrss] https://kanal15tv.com/sosial/15600-3-usagi-olan-aillr-sad-xbr-muavint-veril-bilr.html Sosial Thu, 03 Sep 2026 14:04:34 +0400 Azərbaycanda çoxuşaqlı ailələrin sosial müdafiəsinin gücləndirilməsi və demoqrafik vəziyyətin yaxşılaşdırılması ilə bağlı müxtəlif təkliflər zaman-zaman gündəmə gəlir. Xüsusilə üç və daha çox uşağı olan ailələr üçün ayrıca aylıq müavinətin tətbiqi məsələsi ailələrin maddi yükünün azaldılması baxımından müzakirə mövzusudur.

Bəs, hazırda üç və daha çox uşağı olan ailələrə ayrıca aylıq müavinət verilməsi ilə bağlı konkret təklif və ya müzakirə varmı və belə bir ödənişin tətbiqi ailələrin sosial vəziyyətinə və ölkədə demoqrafik göstəricilərə necə təsir edə bilər?

Modern.az xəbər verir ki, mövzu ilə bağlı Sonxeber.az-a açıqlama verən Milli Məclisin deputatı Vüqar Bayramov bildirib ki, çoxuşaqlı ailə anlayışının yenidən nəzərdən keçirilməsi və bu kateqoriyaya aid uşaqların sayının 5-dən 3-ə endirilməsi ilə bağlı təkliflər Milli Məclisə təqdim edilib:

"Bunun əsas səbəbi son illərdə 5 və daha çox uşağı olan ailələrin sayının çox olmamasıdır. Təklifimiz ondan ibarətdir ki, 3 və daha çox uşağı olan ailələr çoxuşaqlı ailə hesab edilsin. Təklif qəbul olunacağı halda, 3 və daha çox uşağı olan ailələr dövlət tərəfindən aylıq müavinət almaq hüququ əldə edə biləcəklər. Yəni hər uşağa görə müavinət ödənilməsi nəzərdə tutulur. Eyni zamanda, həmin ailələrdə anaların, bəzi hallarda isə ataların daha erkən pensiyaya çıxması üçün imkan yaradıla bilər".

Deputat bildirib ki, təklifə əsasən, üç uşaqlı ailələrdə pensiya yaşının 3 il, dörd uşaqlı ailələrdə 4 il, beş və daha çox uşağı olan ailələrdə isə 5 il azaldılması nəzərdə tutulur:

"Düşünürük ki, bu dəyişiklik həm təbii artımın dəstəklənməsi, həm də 3 və daha çox uşağı olan ailələrin sosial baxımdan daha yaxşı təmin edilməsi baxımından məqsədəuyğun ola bilər. Beləliklə, çoxuşaqlı ailə anlayışına yanaşmanın dəyişdirilməsi daha çox ailənin dövlət büdcəsindən aylıq müavinət almasına və valideynlərin daha erkən pensiyaya çıxmasına imkan yarada bilər". [/yandexrss][shortrss] https://kanal15tv.com/sosial/15582-maarifln-dstk-al-inteqrasiya-ol-layih-crcivsind-kompleks-sosial-dstk-v-inteqrasiya.html https://kanal15tv.com/sosial/15582-maarifln-dstk-al-inteqrasiya-ol-layih-crcivsind-kompleks-sosial-dstk-v-inteqrasiya.html Sosial admin Wed, 02 Sep 2026 11:46:59 +0400 [/shortrss] [fullrss] https://kanal15tv.com/sosial/15582-maarifln-dstk-al-inteqrasiya-ol-layih-crcivsind-kompleks-sosial-dstk-v-inteqrasiya.html https://kanal15tv.com/sosial/15582-maarifln-dstk-al-inteqrasiya-ol-layih-crcivsind-kompleks-sosial-dstk-v-inteqrasiya.html ]]> admin Wed, 02 Sep 2026 11:46:59 +0400 [/fullrss] [yandexrss] https://kanal15tv.com/sosial/15582-maarifln-dstk-al-inteqrasiya-ol-layih-crcivsind-kompleks-sosial-dstk-v-inteqrasiya.html Sosial Wed, 02 Sep 2026 11:46:59 +0400 Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə “Təmiz Dünya” Qadınlara Yardım İctimai Birliyi tərəfindən həyata keçirilən “Maariflən, dəstək al, inteqrasiya ol” layihəsi çərçivəsində 2026-cı ilin avqust ayı ərzində hüquqi, psixoloji və peşə hazırlığı istiqamətlərini əhatə edən genişmiqyaslı fəaliyyət uğurla icra olunub.

Layihənin əsas məqsədi həssas sosial qruplara aid qadınların, qızların və uşaqların bilik və bacarıqlarının artırılması, onların sosial inteqrasiyasının dəstəklənməsi, hüquqi maarifləndirilməsi, psixoloji dayanıqlığının gücləndirilməsi və peşə bacarıqlarının inkişaf etdirilməsi olmuşdur.

“Maariflən, dəstək al, inteqrasiya ol!” layihəsi çərçivəsində iyun–avqust ayları ərzində layihə iştirakçılarına hüquqi, psixoloji və sosial dəstək göstərilib, onların peşə bacarıqlarının inkişaf etdirilməsi istiqamətində təlimlər təşkil olunub.

Hesabat dövründə layihə çərçivəsində ümumilikdə 49 nəfər müxtəlif istiqamətlər üzrə dəstək və xidmətlərdən faydalanıb. Onlardan 17 nəfəri qadın, 16 nəfəri oğlan, 13 nəfəri qız, 3 nəfəri isə insan alveri qurbanıdır.

Bununla yanaşı, layihə iştirakçılarının sosial-iqtisadi müstəqilliyinin gücləndirilməsi istiqamətində görülən işlərin nəticəsi olaraq 7 nəfərin işlə təmin olunmasına dəstək göstərilib. Hüquqi yardım çərçivəsində ümumilikdə 25 nəfərə dəstək göstərilib.

Hüquqi xidmətlər fərdi məsləhətlərin verilməsi, hüquqların izahı, aidiyyəti məsələlər üzrə istiqamətləndirmə və sənədləşmə ilə bağlı dəstəyi əhatə edib. O cümlədən, 3 nəfərə şəxsiyyəti təsdiqləyən sənədlərlə bağlı yardım göstərilib. Psixoloji yardım istiqamətində isə ümumilikdə 57 xidmət qeydə alınıb.

Psixoloji dəstək fərdi ehtiyacların qiymətləndirilməsi, emosional vəziyyətin stabilləşdirilməsi, təşviş və depressiya əlamətlərinin tanınması, ünsiyyət və sosial adaptasiya bacarıqlarının gücləndirilməsi istiqamətlərini əhatə edib.

Layihə çərçivəsində hüquqi maarifləndirmə istiqamətində Azərbaycan Respublikası Konstitusiyasının 65, 66, 67, 68, 69 və 70-ci maddələri, eləcə də “Vətəndaşların öhdəlik və vəzifələri, müraciət etmə qaydaları” mövzuları üzrə təlimlər keçirilib.

Psixoloji maarifləndirmə proqramında isə “Depressiya və təşviş əlamətlərinin tanınması”, “Ünsiyyət bacarıqları” və iştirakçıların psixoloji dayanıqlığının, özünəinamının və sosial münasibətlər qurmaq bacarıqlarının inkişafına yönəlmiş digər mövzular əhatə olunub. İyun-avqust aylarında hüquqi və psixoloji maarifləndirmə istiqamətlərinin hər biri üzrə 8 təlim keçirilib və nəzərdə tutulmuş proqramlar uğurla yekunlaşdırılıb.

Layihənin mühüm istiqamətlərindən biri iştirakçıların gələcəkdə öz gəlirlərini əldə edə bilmələri və əmək bazarına çıxış imkanlarının artırılmasıdır. Bu məqsədlə keçirilən peşə təlimlərində iştirakçılara saç ustalığı üzrə həm nəzəri, həm də praktiki bilik və bacarıqlar öyrədilib.

Təlim proqramı çərçivəsində “Keratin və botoks prosedurları haqqında məlumat”, “Saç boyama texnikaları”, “Saç boyalarının növləri və tətbiq xüsusiyyətləri”, saç açma texnikaları – blond, balayaj və digər üsullar, eləcə də “Tonlama və rəng uyğunluğu” mövzuları üzrə praktiki məşğələlər təşkil edilib.

Peşə hazırlığında əsas diqqət yalnız müəyyən texnikaların öyrədilməsinə deyil, iştirakçıların əldə etdikləri bacarıqlardan gələcəkdə məşğulluq və özünüməşğulluq vasitəsi kimi istifadə edə bilmələrinə yönəldilib.

“Təmiz Dünya” Qadınlara Yardım İctimai Birliyi hesab edir ki, həssas vəziyyətdə olan şəxslərin dayanıqlı inteqrasiyası yalnız birdəfəlik yardım göstərilməsi ilə məhdudlaşmamalıdır.

Maariflənmə, psixoloji və hüquqi dəstək, peşə bacarığı və məşğulluq imkanlarının bir-birini tamamlaması şəxsin müstəqil həyata keçidini gücləndirən əsas amillərdəndir.
[/yandexrss][shortrss] https://kanal15tv.com/sosial/15544-ata-anasi-sdrkdn-cehiz-almaga-getdi-17-yasli-qiz-siginacaga-qacdi.html https://kanal15tv.com/sosial/15544-ata-anasi-sdrkdn-cehiz-almaga-getdi-17-yasli-qiz-siginacaga-qacdi.html Sosial admin Mon, 31 Aug 2026 08:58:52 +0400 [/shortrss] [fullrss] https://kanal15tv.com/sosial/15544-ata-anasi-sdrkdn-cehiz-almaga-getdi-17-yasli-qiz-siginacaga-qacdi.html https://kanal15tv.com/sosial/15544-ata-anasi-sdrkdn-cehiz-almaga-getdi-17-yasli-qiz-siginacaga-qacdi.html ]]> admin Mon, 31 Aug 2026 08:58:52 +0400 [/fullrss] [yandexrss] https://kanal15tv.com/sosial/15544-ata-anasi-sdrkdn-cehiz-almaga-getdi-17-yasli-qiz-siginacaga-qacdi.html Sosial Mon, 31 Aug 2026 08:58:52 +0400 Azərbaycanda 17 yaşlı qızın məcburi şəkildə evləndirilməsinin qarşısı alınıb.

Xəbər verir ki, bu barədə “Azərbaycan Uşaqları” İctimai Birliyinin sədri Kəmalə Ağazadə sosial şəbəkə hesabında paylaşım edib.

Birlik sədrinin sözlərinə görə, azyaşlı qızın sentyabrın 20-də toyunun keçirilməsi planlaşdırılıbmış. Valideynləri cehiz almaq üçün “Sədərək” Ticarət Mərkəzinə getdiyi zaman 17 yaşlı qız taksiyə minərək sığınacağa gəlib:

“17 yaşlı qızın sentyabrın 20-də toyu olacaqdı. Olmayacaq. Qızın dədə-nənəsi cehiz almağa gedib Sədərəyə, qız da oturub taksiyə ki, “pulum yoxdur, Kəmalə xanımın sığınacağına apar, orada verəcəklər”. O da gətirib... İçəri girəndə nə etdiyini demək istəmirəm...” [/yandexrss][shortrss] https://kanal15tv.com/cemiyyet/15536-Odnisli-universitet-qbul-olunsa-da-bu-sxslr-thsil-haqqi-Odmyck.html https://kanal15tv.com/cemiyyet/15536-Odnisli-universitet-qbul-olunsa-da-bu-sxslr-thsil-haqqi-Odmyck.html Cəmiyyət / Sosial admin Fri, 28 Aug 2026 10:46:13 +0400 [/shortrss] [fullrss] https://kanal15tv.com/cemiyyet/15536-Odnisli-universitet-qbul-olunsa-da-bu-sxslr-thsil-haqqi-Odmyck.html https://kanal15tv.com/cemiyyet/15536-Odnisli-universitet-qbul-olunsa-da-bu-sxslr-thsil-haqqi-Odmyck.html ]]> admin Fri, 28 Aug 2026 10:46:13 +0400 [/fullrss] [yandexrss] https://kanal15tv.com/cemiyyet/15536-Odnisli-universitet-qbul-olunsa-da-bu-sxslr-thsil-haqqi-Odmyck.html Cəmiyyət / Sosial Fri, 28 Aug 2026 10:46:13 +0400 2026/2027-ci tədris ili üzrə ali məktəblərə qəbul olunan tələbələrin yarıdan çoxu ödənişli əsaslarla təhsil alacaq.

Dövlət İmtahan Mərkəzinin açıqladığı statistikaya əsasən, bu il ali təhsil müəssisələrinə ümumilikdə 58 947 nəfər qəbul olunub. Onlardan 28 108 nəfəri dövlət sifarişi, 317 nəfəri dövlət hesabı, 30 522 nəfəri isə ödənişli əsaslarla tələbə adını qazanıb.

Məlumata görə, ödənişli əsaslarla qəbul olunanların qeydiyyatı zamanı onların hamısından təhsil haqqını şəxsi vəsaiti hesabına ödəmək tələb olunmur. Qanunvericilik müəyyən sosial kateqoriyalara aid tələbələrin təhsil haqqının dövlət büdcəsi hesabına qarşılanmasını nəzərdə tutur.

Bəs ödənişli əsaslarla universitetə qəbul olunsa da, təhsil haqqını özü ödəməyəcək şəxslər kimlərdir?

Şəhid ailəsinin üzvləri

“Təhsil haqqında” Qanuna əsasən, dövlət, bələdiyyə və özəl ali təhsil müəssisələrində ödənişli əsaslarla təhsil alan şəhid ailəsinin üzvlərinin təhsil haqqı dövlət büdcəsi hesabına ödənilir.

Belə ki, şəhid ailəsi statusuna malik şəxslər üçün müvafiq qanunvericilikdə nəzərdə tutulan şərtlər daxilində bu güzəşt tətbiq olunur.

Müharibə veteranları

Azərbaycanın ərazi bütövlüyü uğrunda döyüş əməliyyatlarında iştirak etdiyinə görə “Müharibə veteranı” adı almış şəxslər də ödənişli əsaslarla universitetə qəbul olunduqda onların təhsil haqqı dövlət büdcəsi hesabına qarşılanır.

Bu güzəşt dövlət universitetləri ilə məhdudlaşmır, dövlət, bələdiyyə və özəl ali təhsil müəssisələrinə şamil edilir.

Şəhidlərin və müharibə ilə əlaqədar əlilliyi müəyyən edilmiş şəxslərin övladları

Azərbaycanın ərazi bütövlüyünün, müstəqilliyinin və Konstitusiya quruluşunun müdafiəsi ilə əlaqədar əlilliyi müəyyən edilmiş şəxslərin uşaqlarının da təhsil haqqı dövlət tərəfindən ödənilir.

Eyni güzəşt Azərbaycanın azadlığı, suverenliyi və ərazi bütövlüyü uğrunda həlak olmuş, hərbi əməliyyatla əlaqədar itkin düşmüş və məhkəmə tərəfindən ölmüş elan edilmiş şəxslərin övladlarına şamil olunur.

Əlilliyi müəyyən edilmiş şəxslər

Ali təhsil müəssisələrində ödənişli əsaslarla təhsil alan, orqanizmin funksiyalarının 61-100 faiz pozulmasına görə əlilliyi müəyyən edilmiş şəxslərin, eləcə də 18 yaşınadək əlilliyi müəyyən edilmiş şəxslərin təhsil haqqı dövlət büdcəsinin vəsaiti hesabına ödənilir. Bu güzəşt də dövlət, bələdiyyə və özəl ali təhsil müəssisələrini əhatə edir.

Valideyn himayəsindən məhrum olmuş şəxslər

Qanunvericilikdə valideyn himayəsindən məhrum olmuş uşaqlar və onların arasından olan şəxslər üçün də xüsusi təminat nəzərdə tutulub.

Hazırkı qanunvericiliyə əsasən, bu kateqoriyaya, digər hallarla yanaşı, bir valideyni vəfat etmiş, digər valideyninin orqanizmin funksiyalarının 61-100 faiz pozulmasına görə əlilliyi müəyyən edilmiş şəxslər, eləcə də hər iki valideyni vəfat etmiş, məlum olmayan, valideynlik hüququndan məhrum edilmiş, xəbərsiz itkin düşmüş və qanunda göstərilən digər hallarda olan şəxslərin uşaqları daxil edilə bilər.

Bu kateqoriyadan ali, orta ixtisas və peşə təhsili müəssisələrində əyani formada təhsil alan 23 yaşınadək şəxslərin də qanunvericiliklə müəyyən edilmiş qaydada təhsil haqqı dövlət hesabına ödənilir.

Məcburi köçkün statusu olanlar

Məcburi köçkün statusuna malik Azərbaycan vətəndaşları dövlət ali təhsil müəssisələrində ödənişli əsaslarla təhsil aldıqları halda onların təhsil haqqı dövlət büdcəsindən qarşılanır. Burada mühüm fərq ondan ibarətdir ki, digər bir sıra güzəşt kateqoriyalarından fərqli olaraq, məcburi köçkünlər üçün bu norma ali təhsil üzrə dövlət universitetlərinə münasibətdə tətbiq edilir.

2026-cı ildən yeni güzəşt - həlak olmuş minatəmizləyənlərin övladları

Bu il güzəşt tətbiq olunan şəxslərin siyahısı daha bir kateqoriya üzrə genişləndirilib. Belə ki, 2026-cı il aprelin 27-də qəbul edilən qanunla minatəmizləmə fəaliyyəti zamanı partlayıcı sursatın işə düşməsi nəticəsində həlak olmuş və ya aldığı xəsarətdən həyatını itirmiş minatəmizləyənlərin övladlarının da təhsil haqqının dövlət büdcəsi hesabına ödənilməsi müəyyənləşdirilib. Yeni imtiyaz 15 sentyabr 2026-cı ildən tətbiq olunacaq və qanun qüvvəyə minənədək belə hadisələr nəticəsində həyatını itirmiş minatəmizləyənlərin övladlarına da şamil ediləcək.

Məlumat üçün bildirək ki, güzəşt kateqoriyasına daxil olmayan, lakin təhsil haqqını birdəfəlik ödəmək imkanında olmayan tələbələr Təhsil Tələbə Kreditinə müraciət edə bilərlər. TTK isə təhsil haqqından azadolma deyil, müəyyən şərtlərlə verilən kredit mexanizmidir. [/yandexrss][shortrss] https://kanal15tv.com/cemiyyet/15523-mktbli-geyimlrin-qiymti-asagi-salindi-satiS-Unvanlari.html https://kanal15tv.com/cemiyyet/15523-mktbli-geyimlrin-qiymti-asagi-salindi-satiS-Unvanlari.html Cəmiyyət / Sosial admin Thu, 27 Aug 2026 12:03:32 +0400 [/shortrss] [fullrss] https://kanal15tv.com/cemiyyet/15523-mktbli-geyimlrin-qiymti-asagi-salindi-satiS-Unvanlari.html https://kanal15tv.com/cemiyyet/15523-mktbli-geyimlrin-qiymti-asagi-salindi-satiS-Unvanlari.html ]]> admin Thu, 27 Aug 2026 12:03:32 +0400 [/fullrss] [yandexrss] https://kanal15tv.com/cemiyyet/15523-mktbli-geyimlrin-qiymti-asagi-salindi-satiS-Unvanlari.html Cəmiyyət / Sosial Thu, 27 Aug 2026 12:03:32 +0400 Məktəb formalarının qiymətlərinə tətbiq olunan endirimlər davam edir. Belə ki, şalvar və ətəklərin qiyməti 20 manatdan 15 manata endirilib.

Modern.az xəbər verir ki, “Bakı Tikiş Evi” (BTE) ASC-nin satış üzrə müdiri Etibar Əzimov APA-ya bildirib ki, bu il jaketlərin qiyməti də 30 manatdan 20–22 manata endirilib.

Qeyd edilib ki, həmin endirimli qiymətlər cari ildə də qüvvədədir.

O vurğulayıb ki, köynək və polo köynəklərin qiyməti qısaqol modellər üçün 12 manat, uzunqol modellər üçün isə 14 manatdır. Məhsullar 100 faiz pambıq parçadan hazırlanır.

“Satış mərkəzləri ilboyu fəaliyyət göstərir. Məktəb mövsümü ərəfəsində isə bütün şənbə və bazar günləri də daxil olmaqla, həftənin bütün günləri, ayın 15-dək fəaliyyət göstərəcəklər. Satış mərkəzlərinin ünvanları, əlaqə nömrələri, qaynar xətt və digər məlumatlar müəssisənin "Instagram" səhifəsində, eləcə də Bakı Tikiş Evinin internet saytında yerləşdirilib”, - deyə o bildirib.

BTE həmçinin valideynlərə müraciət edərək, məktəb formalarını təsadüfi satış yerlərindən almamağı tövsiyə edib:

“Valideynlərə təsadüfi satış yerlərindən mənşəyi və keyfiyyəti məlum olmayan məktəb formalarını almamaq tövsiyə olunur. Belə məhsulların hansı materialdan hazırlandığı məlum olmaya, həmçinin onların keyfiyyət və uyğunluq sertifikatları olmaya bilər.

Valideynlərə fabrik istehsalı olan, sertifikat və zəmanətlə təmin edilən məhsullara üstünlük vermələri tövsiyə edilir. Məktəb formalarına bir il zəmanət verilir və bu müddət ərzində onların keyfiyyətində heç bir dəyişiklik olmayacağına zəmanət verilir”, - deyə müraciətdə bildirilib.



[/yandexrss][shortrss] https://kanal15tv.com/sosial/15487-azrbaycana-gln-turistlrin-sayi-azalib.html https://kanal15tv.com/sosial/15487-azrbaycana-gln-turistlrin-sayi-azalib.html Sosial admin Tue, 25 Aug 2026 10:16:51 +0400 [/shortrss] [fullrss] https://kanal15tv.com/sosial/15487-azrbaycana-gln-turistlrin-sayi-azalib.html https://kanal15tv.com/sosial/15487-azrbaycana-gln-turistlrin-sayi-azalib.html ]]> admin Tue, 25 Aug 2026 10:16:51 +0400 [/fullrss] [yandexrss] https://kanal15tv.com/sosial/15487-azrbaycana-gln-turistlrin-sayi-azalib.html Sosial Tue, 25 Aug 2026 10:16:51 +0400 2026-cı ilin yanvar-iyul aylarında Azərbaycana 191 ölkədən 1 milyon 342,6 min əcnəbi və vətəndaşlığı olmayan şəxs gəlib.

Xəbər verilir ki, bu barədə Dövlət Statistika Komitəsinin məlumatında qeyd olunub.

Bildirilib ki, ölkəyə gələn əcnəbilərin və vətəndaşlığı olmayan şəxslərin sayı ötən ilin eyni dövrü ilə müqayisədə 9,2 faiz azalıb.

Azərbaycana gələnlərin 28,3 faizi Rusiya, 20 faizi Türkiyə, 7,9 faizi İran, 4,7 faizi Gürcüstan, 4,6 faizi Qazaxıstan vətəndaşları olub. Həm Özbəkistanın, həm də Pakistanın payı 3,2 faiz, İsrailin 3,1 faiz, Hindistanın 2,6 faiz, Çinin 2,5 faiz, Səudiyyə Ərəbistanının 2,3 faiz təşkil edib.

Gələnlərin 1,6 faizi Ukrayna, 1,3 faizi Türkmənistan, 1,1 faizi Almaniya, 1 faizi Böyük Britaniya, 12,6 faizi isə digər ölkələrin vətəndaşları və vətəndaşlığı olmayan şəxslər olub.

Azərbaycana gələnlərin 67,4 faizini kişilər, 32,6 faizini qadınlar təşkil edib.

Ötən ilin yanvar-iyul ayları ilə müqayisədə Avropa İttifaqına üzv ölkələrdən Azərbaycana gələnlərin sayı 8 faiz artaraq 65,9 min nəfərə, MDB ölkələrindən gələnlərin sayı isə 1,6 faiz artaraq 531,3 min nəfərə çatıb.

Bununla yanaşı, körfəz ölkələrindən gələnlərin sayı 32,8 faiz azalaraq 159,5 min nəfər, digər ölkələrdən gələnlərin sayı isə 10,8 faiz azalaraq 585,9 min nəfər olub.

Azərbaycana gələn əcnəbilərin və vətəndaşlığı olmayan şəxslərin 72,4 faizi hava, 26,2 faizi dəmir yolu və avtomobil, 1,4 faizi isə dəniz nəqliyyatından istifadə edib.

Eyni zamanda, 2026-cı ilin yanvar-iyul aylarında xarici ölkələrə gedən Azərbaycan vətəndaşlarının sayı ötən ilin müvafiq dövrü ilə müqayisədə 2,4 faiz azalaraq 1 milyon 160,1 min nəfər təşkil edib.

Xaricə səfər edən Azərbaycan vətəndaşlarının 42,7 faizi Türkiyəyə, 15,9 faizi Rusiyaya, 12,4 faizi Gürcüstana, 5,8 faizi İrana, 23,2 faizi isə digər ölkələrə gedib.

Ötən ilin eyni dövrü ilə müqayisədə Türkiyəyə gedənlərin sayı 2,7 faiz, Gürcüstana səfər edənlərin sayı 8 faiz artıb. Rusiyaya gedənlərin sayı 1,3 faiz, İrana gedənlərin sayı 36,3 faiz, digər ölkələrə səfər edənlərin sayı isə 4,1 faiz azalıb.

Xaricə gedən Azərbaycan vətəndaşlarının 65,1 faizini kişilər, 34,9 faizini qadınlar təşkil edib.

Hesabat dövründə xarici ölkələrə gedən Azərbaycan vətəndaşlarının 70,4 faizi hava, 27,6 faizi dəmir yolu və avtomobil, 2 faizi isə dəniz nəqliyyatından istifadə edib. [/yandexrss][shortrss] https://kanal15tv.com/sosial/15477-butun-sosial-odnislr-bu-tarixd-yekunlasacaq.html https://kanal15tv.com/sosial/15477-butun-sosial-odnislr-bu-tarixd-yekunlasacaq.html Sosial / Cəmiyyət admin Mon, 24 Aug 2026 11:08:47 +0400 [/shortrss] [fullrss] https://kanal15tv.com/sosial/15477-butun-sosial-odnislr-bu-tarixd-yekunlasacaq.html https://kanal15tv.com/sosial/15477-butun-sosial-odnislr-bu-tarixd-yekunlasacaq.html ]]> admin Mon, 24 Aug 2026 11:08:47 +0400 [/fullrss] [yandexrss] https://kanal15tv.com/sosial/15477-butun-sosial-odnislr-bu-tarixd-yekunlasacaq.html Sosial / Cəmiyyət Mon, 24 Aug 2026 11:08:47 +0400 Dövlət Sosial Müdafiə Fondu tərəfindən bütün müavinət, təqaüd, kompensasiya və ünvanlı dövlət sosial yardımların avqustun 25-də ödənilməsi nəzərdə tutulub.

Bu barədə DSMF-dən məlumat verilib.

Beləliklə, respublika üzrə bütün sosial ödənişlər yekunlaşdırılmış olacaq. [/yandexrss]