Kəlbəcərdə 33 ildən sonra ilk zəng çalındı
Xəbər verilir ki, şəhərdə ikşğal dövründən sonra inşa olunan ilk tədris ocağı modul tipli binada fəaliyyətə başlayıb.
Bina məktəblilərin təhsillərini davam etdirmələri üçün müvəqqəti olaraq təşkil edilib.
Kəlbəcər şəhərində 2,24 hektar ərazidə müasir təhsil kompleksinin inşası davam edir. Kompleksdə 528 şagird üçün ümumtəhsil orta məktəb, 80 yerlik uşaq bağçası, 7 peşə təhsili üçün emalatxana və 70 yerlik yataqxana nəzərdə tutulub.
Təhsil kompleksinin 2026-cı ildə istifadəyə verilməsi nəzərdə tutulur.
Tədbirdə qeyd edilib ki, 32 il əvvəl məcburi köçkünlüyün ağır sınaqlarını yaşamış soydaşlarımız bu gün qalibiyyətin bəhrəsini görərək doğma torpaqlarında həyatın yenidən bərqərar olmasına şahidlik edirlər.
Yeni tədris ilinə qədəm qoyan bütün şagird və müəllimlərimizi təbrik edir, onlara uğurlar və işıqlı gələcək arzulayırıq.
