600 bal və daha yüksək nəticə ilə Azərbaycan Dövlət Pedaqoji Universitetini (ADPU) seçən ilk 10 tələbə ilk tədris ilinin birinci semestri ərzində aylıq 200 AZN dəyərində xüsusi “UĞUR” təqaüdü alacaq.

Xəbər verilir ki, bu barədə ADPU-nun Mətbuat xidmətindən bildirilib.

“UĞUR” xüsusi təqaüd proqramı ən yüksək balla ADPU-ya qəbul olunaraq “Firudin bəy Köçərli” təqaüdü (1 il ərzində, aylıq 125 AZN) alan tələbədən sonrakı, 600 bal və daha yüksək nəticə ilə universitetə qəbul olunan ilk 10 nəfər tələbəyə şamil edilir.