Azərbaycan Respublikasının Prezidenti cənab İlham Əliyevin tapşırığına əsasən Ekologiya və Təbii Sərvətlər Nazirliyinin sifarişi ilə “Gəncə Avtomobil Zavodu”nda istehsal edilmiş kommunal təyinatlı xüsusi texnika əvəzsiz olaraq dəyəri ödənilmədən Laçın Rayon İcra Hakimiyyətinin balansına verilmişdir.

Laçın Rayon Kommunal Müəssisələri Kombinatı tərəfindən istismar üçün təhvil alınan “MAZ-6312C5 (6x4)” markalı bir ədəd məişət tullantılarını yığan yeni maşın Laçın rayon sakinlərinin kompakt müvqqqəti məskunlaşdıqları Ağcabədi rayonunun Taxta Körpü qəsəbəsinin küçə və məhəllələrində təmizliyin operativ və keyfiyyətli şəkildə təmin olunmasına, fəhlələrin əl əməyinin yüngülləşdirilməsinə, ətraf mühitin səmərəli şəkildə qorunmasına xidmət edəcəkdir.

Həmin texnikanın istismara buraxılmasında iştirak edən Laçın Rayon İcra Hakimiyyətinin başçısı Aqil Nəzərli bu vacib məsələnin reallaşdırılmasına görə ölkə Prezidenti cənab İlham Əliyevə sakinlər adından dərin minnədarlığını bildirmişdir.