Azərbaycan-İsrail münasibətlərinin nə qədər güclü olduğu və bu ölkələrin bir-biri üçün necə vacib olduğu hər kəsə bəllidir. İkitərəfli münasibətlərin inkişafı üçün mühüm addımlar atılır. 2018-ci il 13-17 sentyabr tarixlərində İsrailin Müdafiə Naziri Aviqdor Libermanın Azərbaycana səfər etməsi iki ölkə arasında dostluq münaibətləri üçün daha da önəm verdi. Libermanın son səfərini xüsusi edən odur ki, İsrailin Müdafiə Naziri kimi Azərbaycana ilk səfəri idi.


O, beş gün ərzində Azərbaycanda çox sayda görüş keçirib. Bunu isə İsrailin Azərbaycanla münasibətlərinə necə böyük əhəmiyyət verdiyinin bariz nümunəsi kimi qeyd etmək olar. Libermanın səfərinin əsas məqamı, İsrail ilə strateji tərəfdaşlığın uzaqgörən rəhbərliyi altında Azərbaycan Prezidenti İlham Əliyevlə görüşü oldu. Baş nazir, müdafiə naziri, xarici işlər naziri, daxili işlər naziri və digər yüksək vəzifəli məmurlarla, həmçinin ölkənin yəhudi icması liderləri ilə görüşlər keçirdi. Keçirilən bütün görüşlərdə iki ölkə arasında müxtəlif sahələrdə uğurlu əməkdaşlıq yüksək qiymətləndirildi.


Azərbaycan-İsrail dostluğu bu günə qədər davam və inkişaf edir. İsrailin Azərbaycanla sıx, yaxın və tarixi əlaqələri mövcuddur. Bu İsrailin Ermənistanla olan əlaqələri ilə müqayisəolunmaz həddədir. İsrail Azərbaycanda ilk səfirlik açan dövlətlər siyahısındadır, Ermənistanda isə İsrail səfiri akkreditə olunmayıb. Təkcə bu fakt İsrailin Azərbaycana olan münasibətinin dəyərləndirilməsinə imkan verir. Azərbaycan Prezidentinin sərəncamı ilə İsrail vətəndaşlarına viza ölkəmizin hava limanlarında verilir. Azərbaycan çox az ölkələrə belə şərait yaradıb ki, İsrail də həmin ölkələrdən biridir. İki ölkə arasında təkcə təhlükəsizlik sahəsində deyil, həm də enerji, kənd təsərrüfatı, telekommunikasiya, kibertexnologiyalar, tikinti, suvarma, tibb və turizm sahələrində əlaqələr genişlənib və inkişaf edib.



Azərbaycan-İsrail münasibətlərinin digər bir vacib tərəfi Azərbaycanın yəhudi icmasıdır. İki min ildən artıqdır ki, Azərbaycan yəhudilər üçün sıfır antisemitizmlə qeyd olunan bir mühitdə yaşadıqları və yaşadıqları üçün etibarlı bir yuva və vətən olub. Bundan başqa, Azərbaycan və İsrail etibarlı hərbi tərəfdaşlıq münasibətlərinə malikdir. Azərbaycan İsraildən ən müasir silahlar alır və bu silahlar ərazilərimizin işğaldan azad edilməsində, ölkə sərhədlərinin qorunmasında çox böyük rol oynayacaq. İsrailin istehsal etdiyi "Dron"lar aprelin əvvəlində təmas xətində baş verən münaqişə zamanı özünü doğruldub. Azərbaycan-İsrail əlaqələrinin yüksək səviyyədə olması, hər iki ölkənin daxili işi olmaqla yanaşı, ölkələrimizin inkişafına və təhlükəsizliyin təmin olunmasında böyük rola malikdir. Azərbaycanın silah sənayesinin formalaşmasında və ordumuzun müasir silahlarla təchiz edilməsində İsrail əhəmiyyətli müttəfiq kimi mühüm rol oynayır.



Bir sözlə Azərbaycan-İsrail əlaqələri qarşılıqlı maraqlara söykənir. Son iyirmi beş ildə İsrail dövləti ilə Azərbaycan Respublikası arasında münasibətlər yüksələn xətt üzrə inkişaf edib və möhkəmlənib. Avrasiyada heç bir ölkə İsrail ilə Azərbaycandan daha sıx və səmimi əlaqə saxlamır. Bu isə müsbət haldır ki, İsrail dövlətinin ən sıx səmimi əlaqələri yalnız Azərbaycanladır.



Fariz Quliyev

Yeni Azərbaycan Partiyasının gənc fəalı, Səbail rayon Badamdar qəsəbəsinin Bələdiyyə üzvü