Laçın Rayon İcra Hakimiyyətinin strukturunda çalışan bir qrup dövlət qulluqçusu Dövlət İmtahan Mərkəzinin Ağcabədi şəhərində keçirilmiş təlimlərində iştirak etmişlər.
Həmin Sərəncamın icrasını təmin etmək məqsədilə 2023-cü il 4-6-7 dekabr tarixlərdə Ağcabədi Bayraq Muzeyinin akt zalında Ağcabədi və Laçın Rayon İcra Hakimiyyətlərinin strukturunda, həmçinin, rayonun inzibati ərazisində fəaliyyət göstərən idarə, müəssisə və təşkilatlarda çalışan dövlət qulluqçuları üçün Dövlət İmtahan Mərkəzinin əməkdaşları tərəfindən təlimlər keçirilmişdir.
Təlimlərdə Laçın Rayon İcra Hakimiyyətinin strukturunda çalışan 16 nəfər dövlət qulluqçusu iştirak etmişdir.
Təlimlərdə Dövlət İmtahan Mərkəzinin məsul işçiləri Sevinc Məmmədova, Nazlı Abduləlimova, Nərmin Xəlilova, Ülviyyə Bədəlova, Mirzağa Yaqubzadə, Elnur Abbasov tərəfindən dövlət qulluğunda çalışan iştirakçılara “Münaqişələrin idarə edilməsi”, “Rəhbər vəzifəli şəxslər üçün insan resurslarının idarə edilməsi və liderlik”, “Dövlətin əsasları”, “Dövlət qulluğuna dair qanunverciliyin tətbiqi”, “Dövlət qulluğunda etik davranış qaydaları və korrupsiya ilə mübarizə” və “Dövlət qulluqçularının xidməti fəaliyyətinin qiymətləndirilməsi qaydaları” mövzularında slaydlar vasitəsilə seminar dərslər keçirilmişdir. Slayd vasitəsilə həyata keçirilən seminar dərslər iştirakçılar tərəfindən maraqla qarşılanmışdır.
Seminar zamanı təlimçilər mövzular üzrə münaqişə anlayışı, növləri, münaqişəyə səbəb olan amillər, davranış strategiyaları və qarşı tərəfin emosional davranışına konstruktiv reaksiya, eləcə də rəhbər vəzifəli şəxslər üçün insan resurslarının idarə edilməsinin əsas funksiya və prinsipləri, əmək bölgüsü, kadr siyasəti və onun problemlərindən geniş söz açıblar.
Təlimçilər təlimin gedişi zamanı iştirakçıları maraqlandıran sualları da ətraflı şəkildə cavablandırıblar.
