Yorulamadan və bütün çətinliklərə baxmadan 24 saat əhalinin sağlamlığının keşiyində dayanan Laçın Rayon Mərkəzi Xəstəxanasının Təcili və təxirəsalınmaz tibbi yardım şöbəsinin əzmkar həkimlərindən olan Hatəm Axundov bu günədək mənalı həyatını bütünlüklə şərəfli işinə, müqəddəs peşəsinə, insanların sağlamlığına həsr edib.

O, 1973-cü ildə Laçın rayon Qarakeçdi kəndində anadan olub. 1989-cu ildə 9-cu sinifdən Bakı şəhər 5 nömrəli Kimya-biologiya təmayüllü Respublika liseyinə daxil olub. 1991-ci ildə Kimya-biologiya təmayüllü Respublika liseyinin 11-ci sinfini bitirib, həmin il Azərbaycan Tibb Universitetinin Müalicə işi fakültəsinə daxil olub. 1997-ci ildə Tibb Universitetini başa vuraraq, Cahangir Abdullayev adına Elmi-Tədqiqat Kardiologiya İnstitutunda təcrübə kursu keçib

Hatəm Axundov 1998-ci ildə 18 saylı şəhər poliklinikasında işə başlayıb. 1999-2000-ci illərdə “N” saylı hərbi hissədə əvvəlcə taborun tibb məntəqə rəisi, sonra tibb xidməti rəisi vəzifələrində çalışıb.
2001-ci ildən Laçın Rayon Mərkəzi Xəstəxanasının Poliklinika şöbəsində həkim-kardioloq kimi fəaliyyətə başlayıb. 2023-cü ilin noyabr ayından Laçın Rayon Mərkəzi Xəstəxanası Publik Hüquqi Şəxsin Təcili və təxirəsalınmaz tibbi yardım şöbəsinin müdiri vəzifəsinə təyin olunub. Dovletxeberleri. F. B. Cabbarov