Redaksiyamıza şəhid ailələri tərəfindən daxil olan şikayətdə bildirilir ki, Beyləqan rayon Yuxarı Aran kəndində yerləşən Sirac Əhməd oğlu Mehdiyev adına olan orta məktəb olduqca yararsız vəziyyətdədir. Dəfələrlə Təhsil Nazirliyinə, Beyləqan rayon İcra Hakimiyyətinə və digər dövlət strukturlarına edilən müraciətlərə baxmayaraq məsələ ilə bağlı tədbir görən yoxdur, məsələ biganə yanaşırlar. Məktəbin hansı vəziyyətdə olduğu video materialda açıq şəkildə görünür. Gələcəyimiz olan gənclər bu gün bu cür qəzalı vəziyyətdə olan məktəbdə təhsil alırlar. 5 dəqiqə sonra başlarına hansı fəlakətin gələcəyini bilmədən.


Həqiqət budur ki, sözügedən məktəbdə təhsil alan hər bir şagirdin həyatı bu gün təhlükə altındadır. Dövlət başçımız cənab İlham Əliyev hər zaman təhsilimizə böyük diqqət və qayğı göstərir. Onun çiçəklənməsi yolunda əlindən gələni əsirgəmir. Bəs bu gün Təhsil Naziri cənab Emin Əmrullayev və Beyləqan rayon icra başçısı Ağayev Asif Əzizağa oğlu niyə Prezidentimizin verdiyi səlahiyyətləri heçə sayaraq, vəzifələrindən sui istifadə edirlər? Kimə və nəyə arxayın olub bu gün at oynadırlar. Sözügedən Beyləqan rayon Yuxarı Aran kəndinin yolları da çox bərbad və əlverişsiz haldadır. İcra başçısı Asif müəllim öz üzərinə düşən öhdəlikləri layiqincə icra edə bilmir.
Öz gəncliyini ölkəmizin ərazi bütövlüyü uğrunda qurban vermiş şəhid Sirac Əhməd oğlu Mehdiyevin adını daşıyan bu orta məktəb ölkəmizin adına utancdır, qara ləkədir.
Kanal1.az İnformasiya Xəbər Portalının, yəni redaksiyamızın rəhbəri Arzu Orucov özü məhz 22.04.2024-cü il tarixində sözügedən məktəbdə olacaq.
Məsələ ilə bağlı üzümüzü tuturuq aidiyyatı qurumlara. Öz vəzifəsindən sui istifadə edən hər bir məmur araşdırılmalı, barəsində ciddi tədbirlər görülməlidir. Həmçinin bütün güc strukturlarından xahiş edirik ki, qəzalı məktəb barəsində tezliklə ciddi bir tədbir görülsün.
Araşdırmamız davam edir, qarşı tərəfin mövqeyini dinləməyə hazırıq.