Sentyabrın 1-də Azərbaycanda növbədənkənar parlament seçkiləri keçirilib. Budəfəki seçkilərdə 125 deputat mandatı uğrunda 990 namizəd mübarizə apardı. İlkin nəticələrə uyğun olaraq dairələr üzrə lider namizədlər müəyyənləşib.



Xəbər verilir ki, Mərkəzi Seçki Komissiyasının yekun protokolunda qeyd olunan məsələyə görə, növbədənkənar parlament seçkiləri ilə əlaqədar ümumilikdə 46 məntəqə üzrə səsvermənin nəticələri etibarsız sayılıb.



Onlardan 3-ü dairə seçki komissiyaları, 43-ü MSK tərəfindən etibarsız sayılıb.


Ətraflı
Ad - 00:27

Bəs, seçki qanunsuzluğuna əl atanları hansı cəzalar gözləyir?



Azərbaycanın Cinayət Məcəlləsində seçki cinayətləri ilə bağlı 3 maddə var: 159, 160 və 161-ci maddələr.



159-cu maddədə seçki hüquqlarının həyata keçirilməsinə mane olmağa görə cəzalar nəzərdə tutulur. Cəzalar əsasən cərimələrdən, islah işlərindən ibarətdir. Lakin ağırlaşdırıcı hallarda təqsirləndirilən şəxsə azadlıqdan məhrumetmə cəzası da verilə bilər.



160-cı maddə seçki komissiyalarının işinə müdaxilə etmə və ya təsir göstərməyə görə cəzalar nəzərdə tutulur. Bu maddə ilə ittiham olunan şəxs cərimələnə, ictimai işlərə cəlb oluna, ağırlaşdırıcı hallarda isə azadlıqdan məhrum edilə bilər.



161-ci maddədə seçki sənədlərini saxtalaşdırma, bilə-bilə səsləri düzgün hesablamama, yaxud səsvermənin gizliliyini pozma cinayətinə görə məsulliyyət nəzərdə tutulur. Cəzalar cərimə və islah işlərindən ibarətdir.