Lukaşenko yeni hökuməti təsdiqlədi
Belarus Prezidenti Aleksandr Lukaşenko hökumətin yeni tərkibini təsdiqləyib.
Yeni baş nazir əvvəllər Dövlət Hərbi-Sənaye Komitəsinin sədri vəzifəsini icra edən Roman Qolovçenko olub.
Baş nazirin birinci müavini əvvəllər Çində səfir vəzifəsini icra etmiş Nikolay Snopkov təyin edilib.
Yuri Seliverstov Belarusiyanın maliyyə naziri təyin olunub. Seliverstov 2018-ci ilin noyabr ayından maliyyə nazirinin birinci müavini vəzifəsində çalışıb.
Lukaşenko, eyni zamanda, ölkənin baş nazirinin birinci müavini vəzifəsini icra edən Dmitri Krutoyu administrasiya rəhbərinin müavini təyin edib.
Bundan əlavə, Lukaşenko Pyotr Parkhomçiki sənaye naziri, İqor Lutski isə informasiya naziri təyin edib. Bu təyinatdan əvvəl Parkhomçik BelAZ ASC-nin rəhbəri olub, Lutski isə "Stoliçnoe Televiziya" QSC-nin baş direktoru vəzifəsində çalışıb.
Dmitri Pantus Dövlət Hərbi Sənaye Komitəsinin sədri olub.
"Bir daha vurğulamaq istəyirəm, hətta bu gün belə yeni hökumətə girməyənlər işsiz qalmayacaqlar, onlar düşmən deyillər", - deyə Lukaşenko bildirib.
