RUSİYA AZƏRBAYCANLILARI İTTİFAQI və DÜNYA AZƏRBAYCAN MƏDƏNİYYƏT FONDU-nun prezidenti Fizuli Məmmədovun təşəbbüsü ilə aprelin 10-dan Azərbaycan Respublikasının ərazisində xeyriyyə tədbirlərinə start verilib.

İlk yardım və dəstək aksiyası Gözdən Əlillər cəmiyyəti üçün təşkil edilib. Belə ki, Bakı şəhərinin Nərimanov rayonunda yerləşən yataqxanada yaşayan onlarla əlil ailələrə ərzaq və zəruri əşyalarla yardım göstərilib.

RUSİYA AZƏRBAYCANLILARI İTTİFAQI və DÜNYA AZƏRBAYCAN MƏDƏNİYYƏT FONDU ilə yanaşı “Reaksiya Media Group”un (ReaksiyaTV) da təşkilatçısı olduğu bu xeyriyyə aksiyasında ailələr göstərilən diqqət və qayğıya görə minnətdarlıqlarını bildiriblər.

Qeyd edək ki, #bizbirlikdəgüclüyük humanitar aksiyası çərçivəsində baş tutan bu çür tədbirlər həftə ərzində Azərbaycanın digər şəhərlərində də davam edəcək.

Nəzərinizə çatdıraq ki, RAİ və DAMF prezidenti Fizuli Məmmədovun və təşkilatın operativ qərargahının atdığı bu addım Azərbaycan Prezidenti İlham Əliyevin dünyadakı epidemioloji vəziyyətlə əlaqədar bütün azərbaycanlıların bir və həmrəy olmaq çağırışına cavabdır.
Qeyd edək ki, bu günə qədər RUSİYA AZƏRBAYCANLILARI İTTİFAQI VƏ DÜNYA AZƏRBAYCAN MƏDƏNİYYƏT FONDU tərəfindən 100000-ə yaxın büdcə ayrılıb.

Fond həm Azərbaycanda, həm də Rusiyada çətin durumda yaşayan soydaşlarımıza dəstək verir.