25 dekabr 2021 - ci il tarixdə "Gənc Qazilər" İctimai Birliyinin yekun hesabat gecəsi keçirildi. Hesabat gecəsi Dövlət Himninin səslənməsi ilə başlandı. Torpaqlarımız uğrunda canlarını fəda etmiş Şəhidlərimizin xatirəsinin 1 dəqiqəlik sükutla yad edilməsindən sonra tədbir işinə davam etdi.
Hesabat gecəsini giriş sözü ilə açan "Gənc Qazilər" İB-nin təşkilat məsələləri üzrə sədr müavini Muxtar Allahyarov "Gənc Qazilər " MMC və İB yaranma səbəblərindən danışdı və qeyd etdi ki , Vətən Müharibəsindən sonra Gənc qazilərin cəmiyyətdə aktiv fəaliyyəti və müharibədə olduğu kimi dinc həyatda da birlik nümayiş etdirmək istəyi birliyin yaranması zərurətini yaratdı. M.Allahyarov çıxışında Birliyin qısa zaman kəsiyində ölkənin demək olar ki , bir çox şəhər və rayonlarında öz filiallarını təsis etdiyini və növbəti illərdə də təşkilatçılıq işini davam etdirəcəklərini söylədi.
Sonra "Gənc Qazilər" İB-nin sədri Hacı Vəliyevə söz verildi. Birliyin sədri əvvəlcə gələn qonaqları salamladı, sonra isə qalibiyyəti dünyaya səs salmış Ali Baş Komandan İ.Əliyev cənablarını bir gün öncə olmuş doğum günü münasibəti ilə təbrik etdi. Çıxışına davam edən H.Vəliyev "Gənc Qazilər” İB yarandığı gündən bir il ərzindəki fəaliyyətinin yekun hesabatını verdi. Birliyin qazilərin qayğı və problemlərinin həll olunması istiqamətindəki uğurlarını qeyd edən sədr onlarla qazinin əlillik təyinatı ilə bağlı məsələyə yardım edilməsini , hospital və reabilitasiya mərkəzlərinə yerləşdirilməsini və s. qayğı və problemlərin həll olunmasına köməklik göstərilməsini qeyd etdi. Çıxışının sonunda birlik rəhbəri "Gənc Qazilər" İB növbəti illərdə də fəaliyyətinin səmərəli surətdə inkişafına var gücü ilə dəstək verəcəyini vurğuladı. H.Vəliyev fürsətdən istifadə edərək , xalqımızı Dünya Azərbaycanlılarının Həmrəylik günü və Yeni il münasibəti ilə də təbrik etdi.
Daha sonra tədbirdə General P.Həşimovun qardaşı İ.Həşimov, Qarabağ savaşı başlandıqda Tovuz özünümüdafiə batalyonunun qurucusu olmuş, 9 dan qara kəmər ustası, qrant master, Hapkido Federasiyasının prezidenti Zöhrab Məmmədov, həkimlər, xeyriyyəçilər, mətbuat nümayəndələri çıxış edərək, yeni yaranmış təşkilat haqqında xoş təəssüratlarını söylədilər və Gənc Qazilərə fəaliyyətlərində uğurlar arzuladılar.
Tədbirin sonunda qonaqlara " Gənc Qazilər" İB - nin xatirə diplomları təqdim olundu.