Dünya azərbaycanlılarının məğrur rəhbəri

Prezident İlham Əliyev 11 noyabr tarixində Səmərqənddə Türk Dövlətləri Təşkilatının IX Zirvə görüşündə çıxış edərək bildirmişdir: "Türk Dövlətləri Təşkilatına üzv ölkələrlə əlaqələrin bütün sahələrdə möhkəmləndirilməsi Azərbaycanın xarici siyasətinin əsas prioritetlərindən biridir. Türk dünyasında gənc nəslin yaşadıqları ölkələrdə məktəblərdə öz ana dilində təhsil almaq imkanı olmalıdır. Əfsuslar olsun ki, Azərbaycan dövlətinin hüdudlarından kənarda yaşayan 40 milyon azərbaycanlının əksəriyyəti bu imkanlardan məhrumdur."
Cənab Prezident İlham Əliyev Azərbaycandan kənarda yaşayan vətəndaşlarımızın bütün problemlərini daimi gündəmdə saxlamaqla onların həlli istiqamətində beynəlxalq görüşlərdə məsələlər qaldırır. Cənab Prezidentin Səmərqənddə Türk Dövlətləri Təşkilatının IX Zirvə görüşündə 40 milyondan çox azərbaycanlının əksəriyyətinin yaşadıqları ölkələrdə öz ana dilində təhsil almaq imkanlarının olmadığını açıq şəkildə bəyan etməsi bir çox dünya dövlətlərinə sərt mesaj verməklə yanaşı hələdə dünyada ikili standartların olmasını göstərir.
Prezident İlham Əliyev, apardığı siyasət nəticəsində Azərbaycandan ayrı düşmüş soydaşlarımızın pozulmuş hüquqları, dili, ənənələri və mədəniyyətini qoruyub saxlamaları, azərbaycançılıq ideyalarına sadiq olmaları, öz tarixi vətəni ilə əlaqələrinin heç vaxt kəsilməməsi üçün səylərini davam etdirəcəkdir.

Nicat Həsənov
YAP Laçın rayon təşkilatının 2 saylı Ərazi Partiya Təşkilatının sədri
Şərqi Zəngəzur Regional Təhsil İdarəsinin Laçın rayon sektorunun müdiri.