Bərdədə küçə itləri sakinlərin həyatını təhlükə qarşısında qoyur – Həzi Aslanov küçəsində narahatlıq


Bərdə şəhəri Həzi Aslanov küçəsində sahibsiz küçə itlərinin yaratdığı problem sakinlərin ciddi narazılığına səbəb olub.
Sakinlərin sözlərinə görə, gecə saatlarında itlərin davamlı hürməsi və səs-küyü səbəbindən evlərində rahat yaşamaq və gecə istirahət etmək mümkün deyil. Bundan əlavə, küçədə dəstə halında dolaşan itlər insanların, xüsusilə uşaqların təhlükəsizliyi ilə bağlı ciddi narahatlıq yaradır.

Sakinlər aidiyyəti qurumlardan məsələyə təcili müdaxilə etməyi və problemin həll olunmasını tələb edirlər.


Məsələ ilə bağlı Bərdə Rayon İcra Hakimiyyətinin və aidiyyəti qurumların mövqeyini öyrənməyə hazırıq.