Xebərnur.info xəbər verir ki, ictimai fəal Nərmin Şamilova Sumqayıt şəhər 42 saylı seçki dairəsindən namizədliyini irəli sürub.
2015-ci ilin noyabr ayında keçirilən parlament seçkilərində də eyni dairədən namizəd olub.
2014-cu ildə isə bələdiyyə seçkisində namizədliyini irəli sürüb.
Bundan əlavə ATƏT-in beynəlxalq müşahidəçiləri üçün 2012-ci ildə İstanbulda keçirilən təlimini bitirərək beynəlxalq uzunmüddətli müşahidəçilərin siyahısına daxil olub, bu vaxta kimi bir çox ölkədə qısamüddətli beynəlxalq seçki missiyasında iştirak edib.

Seçki təcrübəsindən əlavə Nərmin Şamilova həm də bir çox yerli və beynəlxalq sosial, mədəni, ictimai siyasi tədbirlərin, görüşlərin iştirakçısı və təmsilçisi, eləcə də koordinatoru olub.

Bir çox ölkənin parlamentində ölkəni təmsil edərək çıxışlar edib, gənclər və xalq diplomatiyası, qadın məsələləri üzrə ekspert, spiker olub.

Siyasi fəaliyyətindən əlavə “Qadın Liderliyi Uğrunda” İB-nin katibi və müstəqil jurnalistdir.

İctima fəalliqdan öncə bir çox KİV-lərlə əməkdaşlıq etmiş, teleaparıcı, müxbir kimi çalışıb.

Sülh, Gənclər Siyasəti, Qadınlar, Xalq Diplomatiyası, Mədəniyyət və Tolerantlığa dair mövzularda bir çox beynəlxalq tədbirlərdə spiker olmuş, Azərbaycan, rus və ingilis dillərində müsahibə verib.

Nərmin qeyd edir ki, Sumqayıt doğma şəhəri olduğu üçün Azərbaycan adına beynəlxalq əlaqələr və tanıtım üzərindən daha çox Sumqayıtı tanıtmağa çalışır: “Sülh və Gənclər şəhəri olduğuna görə. Uşaq və yeniyetmə vaxtı incəsənətlə məşğul olduğum üçün Sumqayıtın bütün mədəniyyət yaradıcılıq mərkəzlərində günlərim, illərim keçib, festival və müsabiqələrdə lauriyyat və qalib olaraq təmsil etmişəm. Orta məktəbin fəxri şagirdi olmuşam.”