Ulu Öndər Heydər Əliyev zamanın çağırışlarına cavab verən siyasətçi olub.


Xebernur.com xəbər verir ki, bunu Milli Məclisin sədri Sahibə Qafarova Ümummilli Lider Heydər Əliyevin 100 illik yubileyi və Milli Qurtuluş Gününün 30 illiyinə həsr edilmiş xüsusi iclasda bildirib.


"Ulu Öndər Heydər Əliyev Azərbaycanın dövlət müstəqilliyinin təməlini yaradıb və bunun üzərində qurulan müstəqil dövləti qoruyub saxlaya bilib, davamlı inkişaf yoluna çıxarıb. Heydər Əliyev Azərbaycanın dövlət müstəqiliyinin təməlini yaradıb. Bununla bərabər o, dövlətçilik ənənələrini 20-ci yüz illikdə təcəssüm etdirib. Bu gün onu dünyanın ən öndə gedən siyasətçiləri arasında görürlər. Bu gün müasir Azərbaycan möhkəm təməl üzərində uğurla inkişaf edir. Azərbaycan Heydər Əliyev yolunda irəliləyir. Ulu Öndər hər zaman Milli Məclisin fəaliyyətini yüksək qiymətləndirib, eyni zamanda iclaslarında iştirak edib. Milli Məclis bu gün də Heydər Əliyevin irsini davam etdirir. Eyni zamanda deyə bilərik ki, bu gün Heydər Əliyev siyasəti Azərbaycanda yaşayır və hər sahədə təcəssüm edir”, - deyə spiker çıxışında vurğulayıb.