I Qarabağ müharibəsinin şəhidi Elməddin Qasımovun qardaşının toy mərasimi keçirildi. Şəhidimizin əmanətlərini həmin gün tək qoymadılar. Şəhid valideynləri, rayonun ziyalıları, rih-nin müavini Rəşad Cəbrayılov və Azərbaycan Respublikasının Şəhid ailələri, Əlilər və Müharibə Veteranlarının hüquqlarının müdafiəsi üzrə bir neçə rayonun nümayəndəsi Nuranə Gözəlova iştirak etdilər. Nuranə gözəlova şəhidin adından qardaşına toy tortu hədiyyə etdi.. Xatırladaqki şəhidin atası Aqil Qasımov oğlunun şəhid olmasına dözməyərək, 2020-ci ilin dekabr ayının 6-da dünyasını dəyişmişdi.

Elməddin Aqil oğlu Qasımov 9 avqust 1999-cu ildə Salyan rayonu Qarabağlı kəndində anadan olmuşdur. 27 oktyabr 2020-ci ildə Fizulu rayonunda gedən döyüşlərdə ağır yaralanaraq şəhidlik zirvəsinə ucalmışdır.
Azərbaycan Prezidenti İlham Əliyevin 15.12.2020-ci il tarixli Sərəncamına əsasən Elməddin Qasımov ölümündən sonra "Azərbaycan Bayrağı" ordeni ilə təltif edildi. Azərbaycanın Füzuli rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 25.12.2020-ci il tarixli Sərəncamına əsasən Elməddin Qasımov ölümündən sonra "Füzulinin azad olunmasına görə" medalı ilə təltif edildi."