Xəbər verdiyimiz kimi millət vəkili Nigar Arpadarai bir neçə gün öncə "Facebook" sosial şəbələdindəki səhifəsində koronovirus təhlükəsi olan insanlara yardım edəcəyi barədə status paylaşmışdı.

Nigar Arpadari artıq bu gün kampaniyanın başlandığını elan edib.Analoq.az millət vəkilinin statusunu olduğu kimi təqdim edir:

Biz başladıq! Bu gün 20 nəfər yaşlı və qayğıya ehtiyacı olan həmvətənim bizdən ərzaq və tibb məhsulları alacaq.

Məqsədimiz yaşlıların zərurət olmadan küçəyə çıxmasının və koronavirusa yoluxmasının qarşısını almaqdır. Hamını bu aksiyaya qoşulmağa dəvət edirəm!

Ətrafınızda olan yaşlı qonşunuzu xatırlayın, özünüzə alış-veriş edəndə ona da bir çörək alın. Xahiş edirəm ərzaq məhsullarını çatdıran zaman sizdən yoluxmanın qarşısını almaq üçün bütün gigiyenik qaydalara riayət edin.

Koronavirus təhlükəsi əsas olaraq yaşlılarımız üçün realdır. Yaşlılara qayğı bizim qanımızdadır, bu bizim ənənəmizdir!

Ağsaqqallarımızı və ağbirçəklərimizi qoruyaq.

Hər kəsə can sağlığı arzu edirəm! Analoq.az

Xəbərnur