Millət vəkili Fazil Mustafaya qarşı axsam radələrində sui-qəsd həyata keçirilib. Şüphəsiz ki, təhlükəsizlik orqanları cinayətkarların tapılması istiqamətində konkret nəticələr əldə edəcəklər.

Bunu news365.az-a açıqlamasında millət vəkili Elman Nəsirov bildirib.

“Bunun üçün hüquq-mühafizə orqanlarının təcrübəsi və bacarığı kifayət qədərdir. Dəfələrlə həm təhlükəsizlik xidmətimiz, həm də polisimiz Azərbaycanın təhlükəsizliyinə olan təhdidlərin vaxtında qarşısını alıb. Hesab edirəm ki, Fazil Mustafaya qarşı törədilmiş cinayət hadisəsinin arxasında konkret qüvvələr dayanıb. Bu hadisənin təşkilatçıları, icraçıları var. Onları şiddətlə qınayırıq. Millət vəkilinin hədəfə alınması ilk növbədə ölkəmizə qarşı müəyyən anti-Azərbaycan dairələrinin fəaliyyətinin nəticəsidir. Hesab edirəm ki, cinayətkarlar üzə çıxandan sonra qiymətləndirmə aparmağınız daha mümkündür. Hələ ki, versiyalar səslənir, amma bir sey həqiqətdir ki, deputatın hədəfə alınması onu göstərir ki, burada siyasi motiv öndə olub”