"Yaxşı sponsorum olsa ulduz olaram amma yenə də mən ulduzam" deyə Aygün Aydın bu dəfə müsahibim oldu. Sadəliyi səmimiliyi ilə seçilən xanımın müsahibəsi doğrudanda maraqlı və qalmaqallı oldu.
-Aygün salam, necəsiz?
-Çox sağ olun siz necəsiz Aydın. Mən necə olum bir siz düşünün karantində insan necə ola bilər?
-Aygün nə kimi yenilikləriniz var?
-Bir çox yeniliklərim var amma hələ sirr qalsın.
-Ümumiyyətlə karantini necə keçirirsiniz?
- Karantin qaydalarına əməl edirəm.Evdəyəm. Evdən çıxmağa çox da meylli deyiləm. Hərdən gərginləşirəm. Vəziyyət üzücü, yaşamaq gözəldir. Mütaliə edir, xəbərləri izləyir, köhnə sovet filmlərinə baxıram, mahnılar üzərində işləyirəm və ilaxır.
-Bəs yaradıcılığınızda yeni nələr görünəcək?
-Dedim axı yeni mahnılar hazırlayıram.
-Yəni....
-Bilirsiz Aydın, mən tənbəlliyi sevmirəm. Hər zaman yeni bir nə isə axtarışdayam və tapıram axtardığımı.
-Axtarışda deyərkən?
-Yaradıcılığı nəzərdə tuturam. (gülür)
-Bəs sevgi?
-Hər bir insana sevgi lazımdır. Amma əlbəttə ki, əsl sevgi.
-Tapmısınız o əsl sevgini?
-Desəm ki tapmışam yalan olar.
-Yəni sevgiyə inanmırsınız?
-İnanıram, sadəcə olaraq əsl sevgimi tapmamışam.
-Aygün digər ixtisasınız isə jurnalist olub. Hansı peşə daha yaxındır sizə?
-Hər ikisi. Amma daha çox musiqi. Mən musiqi ilə yaşayıram,qidalanıram.




-Nəyə peşimansınız?
-Desəm ki, böyük bir şeyə peşimanam yox. Bəli peşimançılığım olub amma....(susur)
-Susdunuz..
-Əslində mən kövrək adamam. Belə soyuq dayansam belə içimdə kövrək bir insanam.
-Bax mahnılarınızdan hansı sizə daha yaxındır?
-Hamısı. Mahnılarım mənim balalarımdır. Mən onları öz gücümə ərsəyə gətirib tamaşaçıya çatdırmışam.
-Bəs sponsor?
-Sponsor. (fikirləşir) Vallah, nə gizlədim yaxşı sponsorum olsaydı məndə ulduz idim.
-Necə bəyəm?
-Bizdə sponsor tam fərqli anlaşılır.
-Geyimlərinizdən danışaq. Açıq-saçıq geyimlərinizlə sizə irad bildirənlər olub?
-Olub. Amma inanın ki, heç biri mənim vecimə deyil. Mən kişi qeyrətli qadınam.
-Bir çox xeyriyyə işləridə görmüsünüz bəs nə yaxşı özünüzü reklam etməmisiniz?
-Ehtiyac görmürəm. Sağ əlin verdiyini sol əl bilməməli.
-Ümid edirəm yenə karantindən sonra nəsə partladacaqsınız.
-Əlbəttə.
-Bəs bizə arzunuz?
-Sadəcə qələminiz kəsərli olsun.



Aydın Ulusoy