2025-ci il oktyabrın 24-də Ağcabədi Bələdiyyəsində növbəti vətəndaş qəbulu keçirilmişdir. Görüşdə bələdiyyənin sədri İsmayıl Rəsulov və qurumun məsul əməkdaşları iştirak etmişlər. Qəbul zamanı sakinlər sosial, məişət və infrastruktur sahələrinə dair müraciətlərini birbaşa Sədrə təqdim etmişlər.
İsmayıl Rəsulov hər bir vətəndaşın müraciətini diqqətlə dinləmiş, qaldırılan məsələlərin qısa müddətdə araşdırılması və operativ şəkildə həlli üçün aidiyyəti üzrə müvafiq tapşırıqlar vermişdir. Qəbul prosesində qeyd olunmuşdur ki, vətəndaşların məmnunluğunun təmin olunması, onların gündəlik qayğılarının aradan qaldırılması və sosial rifahının yüksəldilməsi bələdiyyənin fəaliyyət prioritetlərindəndir.
Bu cür görüşlərin təşkili və keçirilməsi vətəndaşlarla qarşılıqlı etimadın və səmimi münasibətlərin möhkəmləndirilməsinə, həmçinin yerli özünüidarəetmənin səmərəli həyata keçirilməsinə mühüm töhfə verir.