Milli Məclisin Gənclər və idman komitəsində bir qrup gənc idmançı və məşqçilərlə görüş keçirilib.

xebernur.com xəbərinə görə, artıq ənənə halını alan və 2 Fevral- Gənclər Günü münasibətilə keçirilən görüşdə idmançıların həyat və fəaliyyətləri, pandemiya şəraitində keçirilən məşqlər, qarşılaşdıqları çətinliklər və onların aradan qaldırılması, bir sıra digər məsələlər müzakirə olunub.

Görüşdə Milli Məclis sədrinin müavini, Gənclər və idman komitəsinin sədri Adil Əliyev Azərbaycanda idmana və idmançılara dövlət tərəfindən göstərilən diqqət və qayğıdan danışıb.

Tədbirin sonunda Milli Məclisin Gənclər və idman komitəsi tərəfindən 2 fevral - Gənclər Günü münasibətilə ölkəmizi beynəlxalq yarışlarda layiqincə təmsil edən gənc idmançılar, gənclərin vətənpərvərlik ruhunda yetişdirilməsi və Azərbaycanda idmanın inkişafında göstərdiyi xidmətlərə görə məşqçi müəllimlər fəxri fərmanla təltif ediliblər.

Mükafatlandırılanlar arasında kikboksinq üzrə 4_dəfə Dünya ikincisi, 2_dəfə Dünya çempionu və bir sıra döyüşlərin sahibi, ölkə çempionu "DRAGON" kikboksinq idman klubunun baş məşqçisi directoru Elnur Həmidov İlham ogluda olub.
Qeyd edək ki, idmançımızın tələbələri Azərbaycan bayragını bütün dünyada dalgalandırıb və Azərbaycana böyük mükafatlar gətirib.

Xəbərnur