Azərbaycanda koronavirusa yoluxduğu aşkarlanan şəxslərin sayı yenidən 3 rəqəmli olub. Təkcə bu gün ölkəmizdə 143 nəfərin bu virusa yoluxduğu aşkarlanıb, 3 nəfər isə dünyasını dəyişib. Bu barədə Operativ Qərargahın keçirdiyi mətbuat konfransında məlumat verilib. Bu səbəbdən də ölkəmizdə istirahət və bayram günlərində karantin rejiminin sərtləşdirilə biləcəyi vurğulanıb. Ölkəmizdə ticarət mərkəzlərinin isə böyük ehtimalla bu ayın sonuna kimi açılmayacaq.

Xüsusi karantin rejiminin yumşaldılmasından sonra Azərbaycanda koronavirusa yoluxanaların sayı yenidən kəskin şəkildə artıb. Təkcə bu gün ərzində 143 nəfərin bu virusun daşıyıcı olduğu müəyyənləşdirilib. Bu barədə Nazirlət Kabineti yanında Operativ Qərargahın mətbuat konfransında TƏBİB-in İdarə Heyətinin sədri Ramin Bayramlı məlumat verib.

TƏBİB-in rəhbəri ölkəmizdə vətəndaşlar tərəfindən sosial izolyasiya tədbirlərinin kobud şəkildə pozulduğunu bildirib. Onun sözlərinə görə, buna rəğmən, ümumi karantin rejiminin sərtləşdirilməsi haqqında düşünülmür. Amma Türkiyədə olduğu kimi istirahət günlərdə qaydaların sərtləşdirilə biləcəyi istisna olunmur.

Ramin Bayramlı yaxın günlərdə 65 yaşından yuxarı olan şəxslərin evdən çıxmasına icazə verilə biləcəyini, bunun üçün də qərargahla müzakirələrin aparılacağını bildirib. O, böyük ticarət mərkəzlərinin açılıb-açılmayacağı məsələsinə də aydınlıq gətirib.

Mətbuat konfransında o da vurğulanıb ki, Azərbaycan dövləti mümkün ikinci dalğanın qarşısını almağa tam hazırdır.