Ağdam rayon İcra Hakimiyyətinin başçısı Azərbaycanın sədrliyi ilə Qoşulmama Hərəkatının Zirvə görüşü, korrupsiya və rüşvətxorluğa qarşı mübarizə ilə bağlı inzibati ərazi dairələri üzrə nümayəndələrlə videomüşavirə keçirmişdir.

Azərbaycan Respublikasının sədrliyi ilə Qoşulmama Hərəkatının Zirvə görüşünun əhəmiyyəti bütün dünya ölkələrində rəğbətlə qarşılanmışdır.
Respublika Prezidenti cənab İlham Əliyevin rəhbərliyi ilə ölkəmizdə həyata keçirilən islahatlar dövlət müstəqilliyimizin möhkəmləndirilməsinə xidmət edir. Bu nəticələrin daha uğurlu olması və onlardan bütün xalqın daha yaxşı bəhrələnməsi prosesi isə korrupsiya, rüşvətxorluq, xalqın malına göz dikmə və digər mənfi hallara qarşı qətiyyətli və kəskin mübarizə aparmağı vacib şərt olaraq qarşıya qoydu. Buna görə də son günlər Dövlət Təhlükəsizlik Xidmətinin müxtəlif qurumlarda, həmçinin bəzi rayon İcra Hakimiyyəti orqanlarında apardığı əməliyyat bu mənfi tendensiyanın aradan qaldırılmasında mühüm addım oldu.
Bu mövzularla əlaqədar Ağdam rayon İcra Hakimiyyətinin başçısı rayonun inzibati ərazi dairələri üzrə nümayəndələrlə videomüşavirə keçirərək korrupsiya və rüşvətxorluğa qarşı mübarizənin və qanunlarımızın diqtə etdiyi çərçivədə prinsipial mövqe göstərməklərinin günün tələbi olduğunu onlara bir daha qəti şəkildə bildirmişdir.