Şəhid Elmir Hüseynovun cənnətdəki ilk yeni yaşı qeyd olundu...
Tədbirdə şəhid anaları , QHT-üzvüləri və rayon sakinləri iştirak etdilər. Daha sonra şəhidin məzarını ziyarət edib, qəbri üstə gül dəstələri qoydular.


21 iyul 2003-cü ildə Salyan rayon Qaraçala qəsəbəsində dünyaya göz açmışdır.
2009-2020-ci illərdə orta təhsil alıb..

Elmir Hüseynov 2021-ci ildə Səfərbərlik və Hərbi Xidmətə Çağırış üzrə Dövlət Xidmətinin Salyan rayon şöbəsi tərəfindən hərbi xidmətə çağırılmışdır. Həmin ildən Xüsusi Təyinatlı Qüvvələrin tərkibində sıravi əsgər olaraq hərbi xidmət edirdi.

2022-ci il sentyabrın 12-si gecə və 13-ü səhər saatlarında Ermənistan silahlı qüvvələri tərəfindən Azərbaycan-Ermənistan dövlət sərhədinin Daşkəsən, Kəlbəcər, Laçın və Zəngilan istiqamətlərində genişmiqyaslı təxribat törədilmişdir. Təxribat nəticəsində Azərbaycan-Ermənistan sərhədində sərhəd toqquşması baş vermişdir. Döyüşlərdə Xüsusi Təyinatlı Qüvvələrin hərbçisi kimi iştirak edən Elmir Hüseynov 15 sentyabr 2022-ci ildə Kəlbəcər rayonu istiqamətində döyüş tapşırığını yerinə yetirərkən şəhid olmuşdur. Salyan rayonunun Qaraçala qəsəbəsində dəfn edilmişdir.