Milli Məclisdə büdcə müzakirələri gələn həftə başlayır.

Məlumata görə, 2026-cı ilin büdcə zərfi ilk olaraq parlamentin İqtisadi siyasət, sənaye və sahibkarlıq komitəsində müzakirə ediləcək.

İclas noyabrın 4-ü keçiriləcək. Büdcə zərfi daha sonra parlamentin digər komitələrində müzakirəyə çıxarılacaq.

Qeyd edək ki, hazırda Hesablama Palatası dövlət büdcəsi layihəsi üçün rəy hazırlayır.

Layihəyə görə, Azərbaycan Respublikasının 2026-cı il dövlət büdcəsinin gəlirləri 38 609 000,0 min manat, xərcləri 41 703 600,0 min manat (o cümlədən, mərkəzləşdirilmiş gəlirləri 37 850 712,0 min manat, yerli gəlirləri 758 288,0 min manat, mərkəzləşdirilmiş xərcləri 40 944 465,0 min manat, yerli xərcləri 759 135,0 min manat) məbləğindədir.