"Azəriqaz" İB-də Namiq Məmmədovun təyinatsız vəzifə aldığı haqqında geniş yazı dərc etmişdik. Redaksiyamıza N. Məmmədov haqqında maraqlı məlumatlar daxil olub. Namiq Məmmədovun "Azəriqaz" İB-də yeni sərgüzəştlərindən bəhs edən yeni yazımızı təqdim edirik.

Redaksiyamıza şikayət edən qurum əməkdaşının bildirdiyinə görə, bir neçə gün öncə Namiq Məmmədov Göyçay XS-də vətəndaş qəbulu elan edib. Maraqlıdır ki, sadəcə rayona ezam edilən, özünü kollektivə təqdim etməyən Namiq Məmmədov hansı vətəndaş qəbulu keçirə bilər? Sualın cavabını tək biz deyil, qurumun sadə əməkdaşları da bilmək istəyir. Görünən odur ki, bu adam demək istəyir ki meydanda mənəm. Əldə etdiyimiz digər məlumata görə Namiq Məmmədov Həbib Quliyevi yanına alaraq tez-tez Göyçayı yoxlamağa gedir, çünki Namiq Məmmədovun qara kassası Həbib Quliyevdir. İsmayıllıda qanunsuz sayğaclarla bağlı işçi Aslanlı Emil Namiq Məmmədov tərəfindən işdən çıxarılsa da əsas günahkar olan Həbib Quliyev N Məmmədov tərəfindən hələki qoruma altındadır. Məmmədovun əsas məqsədi Həbib Quliyevi bütün oyunlardan çıxarmaqdı. Çünki Quliyev qara kassa olaraq öz işini peşəkar icra edir. Namiq Məmmədova görə dünən "Azəriqaz" İB-də Azər Məmmədov müavinlərini və müşavirləri ilə ciddi söhbət edib, Cahid Hüseynov danlanıb ki, sən Namiqi başımıza bəla etmisən.

Yeni "təyinat" barədə çox ciddi iddialardan biri də odur ki, Namiq Məmmədov Ağsuda kresloya oturan kimi göyçaylıların üzərinə gedir, bir şərab məclisində isə deyib ki, "Azəriqaz" Göyçayda zamanında çilingərlər rəhbərliyə şikayət etdiyi üçün məni onlardan qisas almağa göndərib. Kimdən və necə qisas alacaq? Bu sualın cavabı isə qurum rəhbərliyindədir. Deyilənə görə, artıq Namiq Məmmədov Göyçay XS-nin kollektivindən qisas almağa başlayıb. Özünün dediyinə görə, Nail Abdullayev və Cahid Hüseynov arxasında dayanıb, bir vaxtlar Göyçay sakinləri Cənab İlham Əliyevə eks baş mühəndis Namiq Haqverdiyev şikayət etdiyi üçün, Namiq Məmmədovu bura göyçaylılardan qisas almağa göndəriblər. Qeyd edək ki, sözügedən baş mühəndis də Cahid Hüseynovu kadrıdır. Belə ki, özü bütün rəhbərliyi dövründə əyri işlərlə məşğul olan biri bunu etməyə necə curət edir? Namiq Məmmədov təkcə zamanında Cənab İlham Əliyevin tapşırığı ilə sosial iş yerləri açılanda həmin kasıb vətəndaşlardan milyonlar qazanmışdı ki, bu da qurum əməkdaşlarının ciddi etirazına səbəb olub. Etirazlar isə heç bir nəticə vermir, N. Məmmədov öz kreslosundadır, hətta daha böyük kresloda. Deyilənə görə Azər Məmmədov idarəyə struktur dəyişiklikləri ilə bağlı tapşırıq verərək tapşırıb ki, bu dəyişikliklər təmənnasız aparılsın. Atdığı hər addımda pul güdən və idarənin əmrlərini belə pula görə heçə sayan cənab Məmmədov struktur dəyişiklikləri üçün "əliniz cibinizdə olsun" tapşırığı verib.

Ardı var...