Böyük Türk Dünyasının sakinləri, İstəyirəm biləsiniz ki, Azərbaycanın mərd oğlu, xalqının sevimli övladı ,vətənpərvər “Palmali Şirkətlər Qrupu” nun Prezidenti Mübariz Mənsimovun saxlanılması bizi çox kədərləndirib. Dağ vüqarlı Mübariz Mənsimovun həyatında növbəti ağır günlər yaşanır. Ona mənəvi dəstək olmaq hər birimizin insanlıq borcudur. Xeyirxahlıq hissi ilə döyünən bir ürəyi necə susdurmaq olar?!
Şər – böhtan xarakterli məlumatlarla bir şəxsiyyət ömrünə ləkə salmaq nə dərəcədə düzgündür?!
Böyük ürək sahibi Mübariz Mənsimova Allahdan kömək diləyirəm.
Mübariz Mənsimov Türkiyə Respublikasında yaşasa da hər zaman doğma vətəni Azərbaycanı sevmiş və azərbaycanlı adını daşıyan hər kəsə sayğı ilə yanaşıb. Onun üçün insanlıq həmişə öndə olub. Rəhbərlik etdiyi şirkət işçilərinə, o cümlədən ətrafındakı kasıb insanlara kömək etməyi özünə borc bilib.
Ümidvaram ki, ədalət öz yerini tutacaq!
Əziz ziyalılarım! Əziz xalqım!
Mübariz Qurbanoğlu Mənsimovun günahsız olduğunu və bu dar gününündə ona dəstək olduğunuzu nümayiş etdirməyi sizdən xahiş edirəm. Çünki hər birimiz Mübarizin necə oğul, necə insan olduğunu bilirik. Bunu bütün Azərbaycan xalqı bilir.
Hörmətlə bəstəkar Sevinc Tofiqqizi

Xəbərnur