“Azərbaycan xalqının tarixi, milli adət və ənənələrinindən olan Novruz bayramı ərəfəsindəyik. Bu bayram uzun illərdir xalqımız tərəfindən sevilərək qeyd edilir. Mənfur sovetlər rejimi dövründə qadağan edilsə də, o dövrün ictimai-siyasi xadimi Şıxəli Qurbanovun səyləri nəticəsində bərpa edilmiş və qeyd edilmişdir. Müstəqillik əldə edildikdən sonra bu bayram daha geniş şəkildə dövlət səviyyəsində qeyd edilir. Təəssüf ki, bu il dünyanı bürümüş məlum koronavirus xəstəliyi ilə bağlı ictimai tədbirlər təxirə salınıb. Lakin yenə də xalqımız evlərində bu bayramı qeyd edəcək, göstərişlərə uyğun olaraq sağlam şəkildə milli ənənəmizə sadiqliyini ifadə edəcəkdir.
“Ziyalılar Mərkəzi” olaraq Novruz bayramı münasibəti ilə xalqımızı ürəkdən təbrik edir, rifah və sağlamlıq arzu edirik. Allahdan təmənna edirik, yayılmış bu xəstəlikdən xalqımızı hifz etsin, dövlətimizi, müstəqilliyimizi qorusun. Bir daha Azərbaycan xalqına xoşbəxtlik, rifah, ruzi-bərəkət arzu edirik.

” Ziyalılar Mərkəzinin İdarə Heyəti “ talkaz.tv

Xəbərnur