06.01.2024-cü il tarixində Göygöl rayon Heydər Əliyev Mərkəzində Şəhid atası, tanınmış şair, puplisist, Azərbaycan Yazıçılar Birliyinin üzvü, Əməkdar müəllim Mirsəyyaf Zamanlının “Dərdin adamı” adlı növbəti şeirlər kitabının təqdimatı keçirilib.
Tədbirdə Millət vəkili Aqil Məmmədov, YAP Kəlbəcər rayon Təşkilatının sədri Həbib Misirov, Kəlbəcər rayon, Təhsil İşçiləri Azad Həmkarlar İttifaqı Kəlbəcər rayon komitəsinin sədri Məhiyyədin Əbdürrəhmanov, Kəlbəcər rayon Həmkarlar ittifaqının sədri Əli Bağırov, Kəlbəcərli şairlər Zahid Muxtar, İqbal Baba, İsməli Dağlaroğlu, Gənc Şair Eyvaz Əyyub, Şəlalə Dağlarqızı, Aşıq sənət nümayəndələri, Kəlbəcər rayon idarə müəssisə rəhbərləri, rayonun ziyalı ağsaqqalları iştirak ediblər.
Əvvəlcə tədbir iştirakçıları Göygöl rayon Heydər Əliyev Mərkəzinin qarşısında ucaldılan Ulu öndərin abidəsini ziyarət edib, gül dəstələri düzüblər. Daha sonra Ümumilli lider Heydər Əliyevin və vətənimizin suverenliyi, ərazi bütövlüyü uğrunda şəhid olanların əziz xatirəsi bir dəqiqəlik sükutla yad edilib.
Millət vəkili Aqil Məmmədov, Kəlbəcər rayon YAP Kəlbəcər rayon Təşkilatının sədri Həbib Misirov və digər ziyalılar ilk öncə xalqımızı Azərbaycanın tarixinə qızıl hərflərlə yazılmış Zəfər Günü münasibətilə təbrik edib, şəhidlərimizə Allahdan rəhmət, qazilərimizə şəfa diləyib. Müzəffər Ali Baş Komandan İlham Əliyevin rəhbərliyi ilə rəşadətli ordumuzun əldə etdiyi möhtəşəm qələbədən, Ölkə başçısının İşğaldan azad olunmuş ərazilərdə həyata keçirdiyi irimiqyaslı layihələrdən söhbət açıblar.
Çıxış edən Natiqlər Mirsəyyaf Zamanlıya ədəbi-bədii yaradıcılığında uğurlar arzulayıb, yeni kitabının işıq üzü görməsi münasibətilə təbrik ediblər. “Dərdin adamı” adlı kitabında müəllifin vətən həsrətli, sevgi qoxulu şeirlərin yer alındığı bildirilib. Şair cəmiyyətin problemlərini, qayğılarını şeirə, sözə çevirirsə, demək o, əsil söz adamı, dürüst vətəndaş, xalqını sevən adamdır. Mirsəyyaf Zamanlını tanıdıb yüksəldən əsas məqamlardan biri, bəlkə də birincisi onun şeirlərindəki cəsarətli deyimləri ilə bağlıdır deye vurğulayıblar.
Tədbirin sonunda Kəlbəcərin görkəmli aşıqları olan Aşıq Elburs və Aşıq Şöhrətin ifasında şair Mirsəyyaf Zamanlının şeirlərindən musiqi ifaları səsləndirlib.Dovletxeberleri
