Gəncə şəhəri 1500 ailəlik yeni qəsəbədə yerləşən Kəlbəcər Mədəniyyət Evində "Zəfərin mübarək, Azərbaycan!" adlı möhtəşəm bayram tədbiri keçirilmişdir.
Tədbirdə Kəlbəcər rayon Hakimiyyətinin başçısı Azər Qocayev, Milli Məclisin deputatı Aqil Məmmədov, Yeni Azərbaycan Partiyası Kəlbəcər rayon təşkilatının sədri Həbib Misirov, hüquq-mühafizə orqanlarının rəhbərləri, RİH başçısı aparatının məsul əməkdaşları, idarə və müəssisə rəhbərləri, ziyalılar, şəhid ailələri, qazilər, veteranları, ictimaiyyət nümayəndələri və Kəlbəcər rayon sakinləri iştirak edib.
Tədbir iştirakçıları əvvəlcə Kəlbəcər şəhidlərinin Abidə Kompleksini ziyarət ediblər. Şəhidlərimizin məzarları üstünə və abidə önünə gül dəstələri qoyulub, əziz xatirələrini ehtiramla yad edib, ruhlarına dualar oxunub.
Bayram tədbirində Ulu Öndər Heydər Əliyevin və Vətən müharibəsində şəhidlik zirvəsinə ucalan qəhrəmanlarımızın əziz xatirəsi bir dəqiqəlik sükutla yad edilib.
Tədbirdə Millət vəkili Aqil Məmmədov, Yeni Azərbaycan Partiyası Kəlbəcər rayon təşkilatının sədri Həbib Misirov, gənc şair Eyvaz Əyyub və yekun nitqlə çıxış edən Kəlbəcər rayon Hakimiyyətinin başçısı Azər Qocayev Tarixi Zəfərmizdə, Ulu Öndər Heydər Əliyevin siyasətinin təntənəsindən, Müzəffər Ali Baş Komandan İlham Əliyevin qüdrətindən, şucaətindən söhbətlər açıblar.
Çıxış edən natiqlər onuda vurğulayıblar ki, Zəfər paradının Xankəndində keçirilməsi Müzəffər Ali Baş Komandanın Azərbaycan xalqına bəxş etdiyi ən gözəl xoşbəxtlikdir.
Daha sonra Kəlbəcər rayon İcra Hakimiyyəti tərəfindən Hüquq mühafizə orqanlarının əməkdaşları və bir qrup şəxs Vətən müharibəsi zamanı və sonrakı dövlərdə rayonun ictimai-siyasi həyatında fərqləndiklərinə görə Kəlbəcər rayon İcra Hakimiyyətinin “Fəxri Fərman”ı ilə təltif ediliblər.
Sonda tədbir bədii hissə ilə davam edib.
Kəlbəcər rayon Uşaq İncəsənət Məktəbinin müəllim və şagirdlərinin "Zəfər" gününə həsr olunan bayram konsertində ifa etdikləri vətənpərvərlik ruhunda müxtəlif musiqi nömrələri rayon sakinləri tərəfindən böyük maraqla qarşılanıb.
