“Heydər Əliyev İli” ilə əlaqədar YAP Kəlbəcər rayon təşkilatı tərəfindən 28 Dekabr 2023-cü il tarixdə "Ulu Öndər Heydər Əliyevin əbədi xatirəsi işığında Qurtuluşdan Əbədi Zəfərimizə gedən yol" adlı tədbir keçirilib.
Tədbirdə əvvəlcə Ulu Öndər Heydər Əliyevin və Azərbaycanın ərazi bütövlüyü uğrunda canlarını qurban vermiş şəhidlərimizin əziz xatirəsi bir dəqiqəlik sükutla yad edilib. YAP Kəlbəcər rayon təşkilatının sədri Həbib Misirov çıxış edərək bildirdi ki, Müstəqil Azərbaycan Ümummilli Lider Heydər Əliyevin ideyaları əsasında inkişaf edir, möhtəşəm nailiyyətlər qazanaraq tarix yazır. Ötən 20 ilin mənzərəsinə və bütövlükdə reallıqlara nəzər saldıqda görünür ki, Ulu Öndərimizin siyasi kursunu uğurla davam etdirən Prezident İlham Əliyev Vətənə, dövlətə və xalqa sədaqət andını - bütün vədlərini gerçəkləşdirən böyük dövlət xadimi, qətiyyətli lider və müzəffər sərkərdədir. Azərbaycan son 20 ildə Heydər Əliyev amallarının işığında, müəyyənləşdirdiyi düzgün strateji yolda inamla irəliləyərək mühüm nailiyyətlərə imza atıb, möhtəşəm qələbələr qazanıb. Dövlət başçısı İlham Əliyev tərəfindən uğurla davam etdirilən Heydər Əliyev siyasəti sayəsində bu gün Azərbaycan siyasi, iqtisadi, sosial, mədəni və digər sahələrdə sürətli və mühüm inkişaf əldə edib. Kəlbəcər rayon 99 saylı məktəbin direktoru, Ərazi Partiya təşkilatının sədri İsmət Nəcəfov, məktəbin tarix müəllimi Nazim Ələsgərov və digər çıxış edənlər bildirdilər ki, Ümummilli liderin xalqa olan sevgisi, cəsarəti, dühası və titanik əməli fəaliyətinin nəticəsi olan “milli qurtuluşdan zəfərə gedən yol” heç də hamar və asan olmamışdır. Bu gün əldə edilən uğurların əsası dahi şəxsiyyətin gərgin əməyinin nəticəsində yaranmışdır.Prezident İlham Əliyev ata vəsiyyətini, Vətənə, dövlətə və xalqa sədaqət andını - bütün vədlərini gerçəkləşdirən böyük dövlət xadimi, qətiyyətli lider və müzəffər sərkərdədir. Azərbaycan Prezidentinin qeyd etdiyi kimi, “bizim sözümüz imzamız qədər keçərlidir”. Keçərli olduğu qədər həm də dəyərlidir.
