Şəhid Qorxmaz İsgəndərovun xatirəsi ehtiramla anılıb

Ağcabədi rayonunun Taxtakörpü qəsəbəsində yerləşən Qarakeçdi qəbiristanlığında dəfn olunmuş şəhid İsgəndərov Qorxmaz İsgəndər oğlunun və digər şəhidlərimizin məzarları YAP Laçın rayon təşkilatının əməkdaşları tərəfindən ziyarət olunub. Ziyarət zamanı şəhidlərin məzarları üzərinə gül dəstələri düzülüb, onların əziz xatirəsi dərin ehtiram və hörmətlə yad edilib.
Vətənimizin ərazi bütövlüyü və suverenliyi uğrunda canlarından keçən şəhidlərimizin qəhrəmanlığı xalqımızın yaddaşında əbədi yaşayacaq. Onların müqəddəs qanı bahasına azad edilən torpaqlarımız bu gün Azərbaycanın ərazi bütövlüyünün rəmzinə çevrilib. Şəhidlərimizin bizə əmanət qoyduğu bu torpaqları qorumaq, onların xatirəsinə layiq olmaq və gələcək nəsillərə çatdırmaq hər birimizin müqəddəs borcudur.
Şəhidlərimizin əziz xatirəsini daim ehtiramla yad edir, onların qəhrəmanlığı ilə qürur duyuruq. Allah Vətən uğrunda canından keçən bütün şəhidlərimizə rəhmət eləsin, onların ailələrinə və yaxınlarına səbir versin.