Kriminal aləmdə “Emin 444” ləqəbi ilə tanınmış, amansızlıqla qətlə yetirilmiş Emin Səfərovun qardaşı Elçin Səfərov narkotik ittihamı ilə həbs olunub. Bu barədə Reportyor.info-ya verilən xəbərə görə, bu günlərdə Daxili İşlər Nazirliyi yanında Narkotiklərlə Mübarizə Baş İdarəsi tərəfindən narkotik maddələrin qanunsuz dövriyyəsi ilə bağlı keçirilən əməliyyat zamanı saxlanılan şəxslər arasında E. Səfərov da olub. Hazırda bu işlə bağlı istintaq aparılır. Qeyd edək ki, Elçin Səfərovun qardaşı 2019-cu ilin may ayının 9-da qətlə yetirilib. Kriminal hesablaşma zamanı “Emin 444” ləqəbli şəxs Binəqədi rayonu ərazisində 1995-ci il təvəllüdlü Həsən Tağıyev tərəfindən bıçaqlanıb. “Emin 444” bir neçə dəfə məhkumluq həyatı yaşayıb. O, kriminal aləmə yaxınlığı ilə tanınıb. Emin “Lotu Quli” kimi tanınan Nadir Səlifovun yaxın adamı olduğu deyilir.