2020-ci il iyulun 22-si səhər saat 8 radələrində Corat qəsəbəsində 1995-ci il təvəllüdlü Aygün Müseyibin bıçaqlanma diaqnozu ilə Sumqayıt şəhər Təcili Tibbi Yardım Xəstəxanasına yerləşdirilir. Həkimlərin müdaxiləsi ilə hamilə qadının həyatı xilas olunur. Dərhal Sumqayıt şəhər Polis İdarəsinin əməkdaşları hadisə yerinə yollanaraq, əraziyə baxış keçirir və iş üçün əhəmiyyət kəsb edən maddi sübutlar götürülür.

Şəhər prokurorluğunda Cinayət Məcəlləsinin 29, 120.1-ci (qəsdən adam öldürməyə cəhd) maddəsi ilə cinayət işi başlanır.