Zərifə xanım Əliyevanın ömür yolu elmə, insanlara və xalqa xidmət nümunəsidir.
Bu gün Azərbaycan elminin və səhiyyəsinin parlaq simalarından biri, tibb elmləri doktoru, görkəmli oftalmoloq-alim, akademik Zərifə xanım Əliyevanın doğum günüdür. Öz həyat və fəaliyyətini insanların sağlamlığına, tibb elminin inkişafına və gənc mütəxəssislərin yetişdirilməsinə həsr etmiş Zərifə xanım, oftalmologiya sahəsində apardığı dəyərli tədqiqatlarla həm ölkəmizdə, həm də beynəlxalq miqyasda böyük nüfuz qazanmışdır.
Onun elmi araşdırmaları göz xəstəliklərinin diaqnostikası və müalicəsi sahəsində yeni üfüqlər açmış, sanitar-gigiyenik şəraitdə çalışan insanların göz sağlamlığının qorunmasına yönəlmiş yenilikçi metodlarla oftalmologiyanın inkişafına mühüm töhfələr vermişdir. Gənc kadrların hazırlanmasında və elmi məktəbin formalaşdırılmasında əvəzsiz rolu olan Zərifə xanım Əliyeva öz bilik və təcrübəsini səxavətlə bölüşərək gələcək nəsil alimlərin yetişməsinə zəmin yaratmışdır.
Görkəmli alimin əvəzsiz xidmətləri yüksək qiymətləndirilmiş, o, bir çox orden və medallarla təltif olunmuş, “Azərbaycanın Əməkdar Elm Xadimi” kimi yüksək fəxri ada layiq görülmüşdür.
Zərifə xanım Əliyevanın ömür yolu elmə, insanlara və xalqa xidmət nümunəsidir. Onun əziz xatirəsi Azərbaycan xalqının qəlbində hər zaman yaşayacaq, elmi və insani irsi gələcək nəsillərə ilham mənbəyi olacaqdır.
Hörmət və ehtiramla anırıq.
“Ronahi” Kurd Mədəniyyət Mərkəzi İctimai Birliyinin
Sədri, Azərbaycan Jurnalistlər Birliyinin üzvü Zabit Məmmədov
