Azərbaycan xalqı Zəfər Gününün 3-cü ildönümünü qeyd etməyə hazırlaşır. Qarabağa nəzarətin ələ alınması sayəsində Azərbaycanın ərazi bütövlüyü və suverinliyimizin tam təmin olunması builki Zəfər Günü abu-havasını daha fərqli edəcək.


8 Noyabr Zəfər Günü ilə bağlı böyük əfv sərəncamının imzalanıb-imzalanmayacağı da maraq doğurur.


Nəsələ ilə bağlı hüquq medafiəçilərinin fikrini öyrənilib





Dilarə Əliyeva adına Qadın Hüquqlarını Müdafiə Cəmiyyətinin həmsədri Novella Cəfəroğlu əfv sərəncamının imzalanmasının tərəfdarı olduğunu bildirib:


"8 Noyabr Zəfər Günü ilə əlaqədar əfv sərəncamının olmasını çox istəyərdik. Bu bayramın hamı üçün olmasını ürəkdən arzulayırıq. Xüsusilə də, jurnalist dostlarımız və siyasi motivlərlə tutulan hər kəsin bayramda əfv sərəncamına düşməsi yaxşı olardı. Bununla biz hər işə qadir olduğumuzu bütün dünyaya göstərə bilərik. Çünki xarici qüvvələr sözləri qurtaran kimi "siyasi məhbuslar məsələsi"ni qaldırırlar. Onlar da yaxşı bilirlər ki, bütün ölkələrdə siyasi həbslər var. Gəlin, bununla sadəcə bir nümunə olaq".

Ətraflı
Ads by
0
Reklamınızı SmartBee ilə effektiv edin.

Vətəndaşların Əmək Hüquqlarının Müdafiəsi Liqasının sədri Sahib Məmmədov isə Prezidentin hər an əfv sərəncamını imzalaya biləcəyini vurğulayıb:


"Bizdə artıq çox böyük əfv sərəncamı icra olunub. Həmin sərəncam çox sayda insanı əhatə etmişdi. Əfv sərəncamını vermək Prezidentin müstəsna hüququdur.
Əfv sərəncamının imzalanmasının özlüyündə həm müsbət, həm də mənfi tərəfləri var. Bir şəxs cinayət əməli törədibsə, onun barəsində cəza müəyyən edilibsə, bu həm də sosial ədalətin bərpa olunması üçündür. Əfv olunanda sosial ədalət prinsipi də pozula bilər. Bu elə olmalıdır ki, ədalətlilik prinsipi pozulmasın. Hesab edirəm ki, bir şəxs əfv olunmağı, cəzasının yüngülləşdirilməsini haqq edirsə, bunu vaxtında etmək lazımdır. Yox, buna haqqı yoxdursa, süni sürətdə hansısa əfvin mütəmadi qəbul olunmasının tərəfdarı deyiləm".







S.Məmmədov qeyd edib ki, hər əlamətdar gündə əfv olacaq deyə, bir norma yoxdur:


"Azərabyacanda xeyli sayda əlamətdar gün var. Hər əlamətdar gündə bir əfv sərəncamı olmalıdırmı? Belə bir norma bizdə yoxdur. Əfv sərəncamı əlamətdar olmayan adi günlərdə də verilə bilər. Bu Prezidentin səlahiyyətində olan məsələdir".