YAP Laçın rayon təşkilatı Yeni Azərbaycan Partiyasının təsis edilməsinin 30 illiyi ilə bağlı silsilə tədbirlər keçirir.
14 oktyabr 2022-ci il tarixdə Yeni Azərbaycan Partiyasının təsis edilməsinin 30 illiyi ilə bağlı YAP Laçın rayon təşkilatının Təhsil Ərazi Partiya təşkilatında yığıncaq keçirildi. Əvvəlcə Ümummilli Lider Heydər Əliyevin və torpaqlarımızın azadlığı uğrunda şəhid olanların əziz xatirəsini bir dəqiqəlik sükutla yad edildi.
Tədbiri giriş sözü ilə açan YAP Laçın rayon təşkilatının Təhsil Ərazi Partiya təşkilatının sədri Nicat Həsənov ötən dövr ərzində ƏPT - nin fəaliyyəti ilə baglı məlumat verdi.
Tədbirdə iştirak edən YAP Laçın rayon təşkilatının sədri İlqar İlyasov çıxış edərək bildir di ki, Ulu Öndər Heydər Əliyevin rəhbərliyi ilə 21 noyabr 1992-ci ildə soyuq bir gündə Naxçıvan şəhərində zəif işıqlandırılan zalda yaradılan Yeni Azərbaycan Partiyası agır,çətin, ancaq, şərəfli bir yol keçib.
Ümummilli Lider Heydər Əliyevin qurucusu olduğu Yeni Azərbaycan Partiyası yarandığı zamandan keşmə- keşli yol keçib və ümumxalq partiyasına çevrilib. Azərbaycan xalqının Ümummilli Lideri Heydər Əliyevin qətiyyəti və iradəsi hesabına yaradılan və bu gün istər ölkə daxilində, istərsə də regionda lider partiya olan Yeni Azərbaycan Partiyası yarandığı zamandan həm ölkə daxilində cərəyan edən siyasi proseslərdə, həm də beynəlxalq əlaqələrdə böyük uğurlara imza atıb.
İ.İlyasov bildirdi ki, Partiyamızın yaradıcısı Ulu Öndərin siyasi yolu və ideolagiyası cənab Prezident İlham Əliyev tərəfindən layiqincə davam etdirilir.
Daha sonra tədbirdə çıxış edən YAP fəalları bildirdilər ki, Yeni Azərbaycan Partiyası Azərbaycanın ictimai-siyasi həyatında əhəmiyyətli rol oynadı. YAP Müstəqil Azərbaycanın siyasi xəttini müəyyənləşdirməyə,onu zirvələrə, parlaq gələcəyə daşımağa qadir partiyadır. Qısa zaman kəsiyində, YAP siyasi hakimiyyətə gəldi. Qarabağ Zəfərindən sonra yaranmış yeni reallıqlar fonunda Yeni Azərbaycan partiyasının sədri,Prezident, Müzəffər Ali Baş Komandan İlham Əliyevin rəhbərliyi ilə parlaq gələcəyə doğru daha inamla irəliləyəcək.
Sonda qarşıda duran vəzifələr və perespektiv planlar müzakirə edildi.
