2023-cü il 2 mart tarixdə Azərbaycan Respublikası Prezidentinin 2019-cu il 29 aprel tarixli, 1143 nömrəli Sərəncamı ilə təsdiq olunmuş “Azərbaycan Respublikasında qida təhlükəsizliyinin təmin edilməsinə dair 2019-2025-ci illər üçün Dövlət Proqramı”nın 10.12.5-ci yarımbəndinin (xüsusi həssas əhali qruplarının (uşaqlar, hamilə qadınlar və s.) sağlam qidalanmasının təmin edilməsi istiqamətində tədbirlərin həyata keçirilməsi (xüsusi pilot layihələrin icra edilməsi və s.) icrasının təmin edilməsi məqsədilə Laçın rayonunun Ağcabədi rayonu Taxta Körpü ərazisində 245 ailəlik məcburi köçkün qəsəbəsində fəaliyyət göstərən Laçın rayonunun Qarakeçdi kənd 1 nömrəli tam orta məktəbində maarifləndirmə tədbiri keçirilmişdir.Maarifləndiməni Laçın Rayon İcra Hakimiyyəti başçısı aparatının məsul işçiləri Bəhruz Əhmədov və Yusif Abdullazadə ilə birgə Azərbaycan Respublikası Qida Təhlükəsizliyi Agentliyinin Qarabağ regional bölməsinin əməkdaşları Xanlar Adıgözəlov və Ruslan Nəbiyevin iştirakı ilə keçirilmişdir.

Maarifləndirmə tədbiri həmçinin, Laçın rayonunda qida təhlükəsizliyinin təmin edilməsi prosesində vətəndaşların fəal iştirakını nəzərdə tutan ictimai nəzarət mexanizmlərinin daha da gücləndirilməsi məqsədi daşımışdır.