“Gələcəyin Qurulması: Avropada Birlik və Sabitlik” mövzusuna həsr olunan VIII Avropa Siyasi Birliyi Sammiti Ermənistanın paytaxtı İrəvan şəhərində, Karen Dəmirçyan adına İdman və Konsert Kompleksində işə başlayıb.

Xəbər verilir ki, Ermənistanın Baş naziri Nikol Paşinyan tədbirin keçirildiyi məkana gəlib və iştirakçıları qarşılayıb.

Qeyd edək ki, Sammitdə Avropa ölkələrinin liderləri, yüksək vəzifəli rəsmilər və beynəlxalq təşkilatların rəhbərləri iştirak edirlər. Avropa Siyasi Birliyi platforması ümumilikdə təxminən 50 ölkənin liderini bir araya gətirir.
Ətraflı
Ad - 00:35

Tədbirdə António Costa və Ursula von der Leyen də iştirak edir. Xatırladaq ki, Avropa Siyasi Birliyinin ilk sammiti 6 oktyabr 2022-ci ildə Praqa şəhərində keçirilmişdi.

Bu gün və sabah keçiriləcək görüşlərdə tərəflər ikitərəfli əməkdaşlığın genişləndirilməsi, regional təhlükəsizlik, enerji, nəqliyyat, rəqəmsal texnologiyalar və infrastruktur əlaqələri ilə bağlı məsələləri müzakirə edəcəklər.

Məlumata görə, danışıqlarda həmçinin Ukrayna ətrafındakı vəziyyət və Yaxın Şərqdə davam edən böhran fonunda qlobal çağırışlara da diqqət ayrılacaq. Sammitin yekununda birgə bəyanatın qəbul edilməsi və bir sıra əməkdaşlıq sənədlərinin imzalanması planlaşdırılır.