Füzuli rayonundakı Heydər Əliyev Mərkəzində Füzuli rayon İcra Hakimiyyətinin təşkilatçılığı ilə Gənclər günü ilə əlaqədar olaraq “Zəfərimiz gəncliyimizin mənəvi zirvəsidir” adlı tədbir keçirilib. Tədbir Ulu öndər Heydər Əliyevin büstünün ziyarət olunması ilə başlayıb.

Modern.az xəbər verir ki, mərasimdə Füzuli rayonun İcra Hakimiyyətinin başçısı Alı Alıyev, Kürdəmir Regional Mədəniyyət idarəsinin müdiri, Yeni Azərbaycan Partiyyasının Füzuli rayon üzrə nümayəndəsi, Füzuli rayon Təhsil Şöbəsinin müdiri, şəhid ailələri, N saylı hərbi hissənin nümayəndələri, rayon ictimaəti və müxtəlif sahələrdə çalışan gənclər iştirak ediblər.
Tədbirdə ilk olaraq icra başçısı Alı Alıyev çıxış edərək gənclərimizin örnək nümunəsi olan şəhidlərimizin və qazilərimizin qəhrəmanlıqlarından danışıb.
Tədbirin gedişində digər iştirakçılar və şəhid ailələrinin üzvləri çıxış ediblər.

İcra Hakimiyyət tərəfindən bir qrup gənc Fəxri fərmanlarla təltif edilib. Tədbirin davamında həvəskar rəssam Türkan Məmmədlinin xalqımızın yaddaşında əbədi yaşar gənclərimiz olan Vətən müharibəsi şəhidlərinin portretlərindən ibarət sərgisi təşkil olunub. Sərgidəki şəhidlərimizin portretləri həvəskar rəssam Türkan Məmmədli tərəfindən şəhid ailələrinə təqdim olunub. Məktəblilər şeir kompazisiyaları ilə çıxış ediblər. Ulu öndər Heydər Əliyevin və onun davamçısı Prezident İlham Əliyevin “Gənclərimiz gələcəyimizdir” adlı videoroliki tədbir iştirakçılarına nümayiş olunub.
Tədbirin sonunda şəhid ailələri ilə xatirə şəkilləri çəkdirilib. Şəhid ailələri göstərilən diqqət və qayğıya görə Azərbaycan Respublikasının Prezidenti İlham Əliyevə və Birinci vitse-prezident Mehriban Əliyevaya öz dərin minnətdarlıqalrını bildiriblər.