Hərbi xidmətə yola salınan Kəlbəcər rayon gəncləri ilə görüş keçirilib.

Görüş yanvarın 11-də Gəncə şəhəri, Kəlbəcər rayon İncəsənət məktəbinin akt zalında keçirilib.

Tədbirdən öncə torpaqlarımızın azadlığı uğrunda canlarını fəda etmiş şəhidlərimizin əziz xatirəsi bir dəqiqəlik sükutla yad edilib.

Kəlbəcər rayonu üzrə gənclər və idman sektorunun müdiri Musa Mamedov giriş nitqi ilə tədbiri açıq elan edib, gənclərə uğurlar arzulayıb.

Növbəti çıxışları səsləndirən Kəlbəcər rayon İcra Hakimiyyətinin məsul işçisi Heydər Bəylərov, YAP rayon təşkilatının sədri Həbib Misirov, SHXÇDX-nın rayon bölməsinin rəisi polkovnik leytenant Nazim Çələbiyev, gənclər və idman sektorunun baş məsləhətçisi Hikmət Şahmuradov gənclərə tövsiyələrini verərək, Ali Baş Komandan İlham Əliyevin rəhbərliyi altında Azərbaycan ordusunda həqiqi hərbi xidmət borclarını layiqincə yerinə yetirəcəklərinə və vətən torpağını göz bəbəyi kimi qoruyacaqlarına əmin olduqlarını bildirdilər.

Tədbirdə çıxış edən İkinci Vətən Müharibəsi qazisi (şəhid qardaşı) İlkin Salmanov döyüş yolundan və ordumuzun qazandığı uğurlardan danışaraq gəncləri ruhlandırdı.