Azərbaycan konsulu irad bildirdi - Rusiya vətəndaşı saxlanıldı
Komsomolskaya pravda”ya istinadən xəbər verir ki, Petroqrad Rayon Məhkəməsi sözügedən şəxsin iki sutka müddətinə həbs edilməsinə qərar verib.
Məlumata görə, hadisə dünən axşam saatlarında qeydə alınıb. Belə ki, naməlum şəxs Bolşaya Zelenina küçəsində uca səslə nalayiq ifadələr səsləndirib.
Qeyd olunub ki, həmin vaxt ərazidə olan Azərbaycanın konsulu Rəhim Rəhimzadə o şəxsə iradını bildirsə də, vətəndaş buna məhəl qoymayıb.
Nəticədə o, hüquq-mühafizə orqanlarının əməkdaşları tərəfindən saxlanılıb və cinayət məsuliyyətinə cəlb edilib. Adı açıqlanmayan şəxs əməlini etiraf edib.
