2024-cü ilin yanvar-mart aylarında qlobal smartfon bazarı 7,8% böyüyüb və sayı 289,4 milyon ədədə çatıb.



Xəbər verilir ki, bu barədə "Reuters" agentliyi IDC araşdırma şirkətinə istinadən məlumat yayıb.



2024-cü ilin birinci rübündə "Iphone" model telefonlar istehsal edən "Apple" şirkətinin smartfonlarının tədarükü təxminən 10% azalıb. Şirkət ən böyük istehsalçıların reytinqində birinci yeri "Samsung"a verib və yenidən ikinci yerə düşüb. Amerika korporasiyası 2023-cü ilin sonuna qədər Cənubi Koreyanı geridə qoyub.



Bazarda "Samsung"un payı 20,8%, "Apple" şirkətinin payı 17,3%, "Xiaomi"nin payı isə 14,1% təşkil edib.



"Samsung" şirkəti ilk rübdə 60 milyondan çox smartfon tədarük edib. "Apple" bir il əvvəlki 55,4 milyonla müqayisədə 50,1 milyon ədəd smartfon satıb.



2023-cü ildə "Apple"ın payı 20,1%, "Samsung"un payı isə 19,4% təşkil edib. Cənubi Koreya korporasiyası 12 ildir ki, smartfon istehsalçıları arasında liderliyini qoruyub saxlayır.