Şəhid Quliyev İslam İdris oğlunun doğum günündə xatirəsi anılıb

Tədbirdə Yeni Azərbaycan Partiyası Laçın Rayon Təşkilatının əməkdaşları, Laçın Rayon İcra Hakimiyyətinin rəsmiləri, YAP fəalları, Şəhidin ailə üzvləri və ictimaiyyət nümayəndələri iştirak edib.
Əvvəlcə xalqımızın ümummilli lideri Heydər Əliyevin, Azərbaycanın suverenliyi, ərazi bütövlüyü və torpaqlarımızın azadlığı uğrunda canından keçən Vətən övladlarının xatirəsi ehtiramla anılıb. Sonra tədbir iştirakçıları Quliyev İslam İdris oğlunun büstünü ziyarət ediblər.
Çıxış edənlər Müzəffər Ali Baş Komandan Cənab İlham Əliyevin rəhbərliyi ilə rəşadətli Azərbaycan ordusunun torpaqlarımızı işğaldan azad etməsindən 44 günlük müharibədə ordumuzun şücaətlərindən, şəhidin təhsil aldığı dövrdən, onun qəhrəmanlıqlarından, göstərdiyi şücaətlərə görə aldığı təltiflərindən,keçdiyi döyüş yolundan söhbət açıblar.
Sonra YAP Laçın rayon təşkilatı tərəfindən şəhidin oğluna həddiyyə təqdim olunub.
Sonda şəhidin adını daşıyan Laçın rayon Fingə kənd tam orta məktəbin şagirdlərinin hazırladığı ədəbi-bədii kompozisiya nümayiş etdirilib.
Şəhidin ailə üzvləri, Şəhid ailələrinə, Qarabağ qazilərinə və döyüşçülərinə göstərilən dövlət qayğısına görə cənab Prezident İlham Əliyevə və ölkənin 1-ci vitse-prezidenti Mehriban xanım Əliyevaya dərin təşəkkürünü və minnətdarlığını bildiriblər.