Ağdam rayonunda 44 günlük vətən müharibəsinin şəhidi Həsənov Məqsəd Mahir oğlunun anım günü ilə bağlı tədbir keçirilmişdir.
Tədbirdə Ağdam rayon İcra Hakimiyyətinin Başçısı cənab Vaqif Həsənov, Yeni Azərbaycan Partiyası Ağdam rayon təşkilatının sədri Mansur Quliyev, Ağdam Rayon İcra Hakimiyyəti Başçısının müavini Xəqani Nəzərov, Ağdam Rayon Ağsaqqallar Şurasının sədri Əvəz Mikayılov, Ağdam Rayon İcra Hakimiyyəti Başçısının Ağdam şəhər İnzibati Ərazi Dairəsi üzrə nümayəndəsi Pənah Fətəliyev, partiya fəalları, şəhidimizin ailə üzvüləri və rayon ictimayətinin nümayəndələri iştirak etmişlər.
Tədbir iştirakçıları ilk öncə şəhidlər xiyabanında şəhidlərimizin məzarını ziyarət edərək onların əziz xatirələrinə dualar oxumuşlar və məktəbli şagirdlər şəhidlərimizə həsr olunmuş müxtəlif şeir kompozisiyaları söyləmiş, həmçinin rayon ziyalılarıda çıxışlar etmişlər.
Daha sonra tədbir iştirakçıları Həsənov Məqsəd Mahir oğlunun ailə üzvülərini ziyarət etmişlər, problemləri ilə maraqlanmışlar və şəhidimizin anım mərasimində iştirak etmişlər.
Şəhidimizin ailə üzvüləri də dövlətimiz tərəfindən onlara göstərilən diqqət və qayğıya görə ölkə Prezidenti cənab İlham Əliyevə və Birinci xanım Mehriban Əliyevaya öz minnətdarlıqlarını bildirdilər.
Qeyd edək ki, şəhid Həsənov Məqsəd Mahir oğlu 2020-ci ilin oktyabr ayının 7-də Vətən müharibəsi zamanı Suqovuşan istiqamətində gedən döyüşlərdə şəhidlik zirvəsinə yüksəlib. Prezident İlham Əliyevin müvafiq Sərəncamlarına əsasən o, ölümündən sonra “Vətən uğrunda”, “Cəsur döyüşçü” və “Suqovuşanın azad olunmasına görə” medalları ilə təltif edilib.
Allah bütün şəhidlərimizə rəhmət eləsin!